Thallóczy Lajos: Jajca (bánság, vár és város) története. (Budapest, 1915. Magyarország melléktartományainak oklevéltára. Codex diplomaticus partium regno Hungariae adnexarum 4.)

statueramus .iterato contra alios hostes nostros reducere exercitum; cum ipse bassa nobis iterato scripsit, petens. ne iniuriam nobis illatam graviter caperemus paratum se asserens omnia reformare: mitteremus hominem nostrum ad eum, per quem de pace finaliter concludere vellet, et eum cito ad nos mitteret. Nos igitur hominem, quem petebat, protinus rnisimus cum plenaria facultate, rati fore, ut ipse períidie sue memor, que contra fidem et promissum nobis intulit, reformaret, et sinceriter pacem concluderet. Sexta iam igitur ebdomada posteaquam homo noster ad eum missus, in Jajtza residet et ab eo tempore usque ad hodiernum bassa Dawth multoties requisitus, nec obsidem pro eo mittere, nec ad colloquium suum admittere voluit, variis figmentis et cavillationibus hominem nostrum continue tenens in suspensu et de obside dando interdum respondet, hominem illum, qui mittendus pro obside foret, accessitum ad portám maiestatis vestre, interdum fingit, illum gravi egritudine detineri, et exputandum, ut aliquantulum convalescat. Ex quibus omnibus non aliud iudicamus, nisi quod ipse arte et dolo, quemadmodum ab initio cepit, nos pertrahere querit. Quod nos nullo modo pati potuimus, sed irati tam manifesta perfidia prefati basse, licet dudum alio convertissemus exercitus nostros, nisi ipse bassa primum nos deceptione sua in has partes attraxisset, coacti sumus nos ipsi personaliter ire contra illum et nos de iniuriis nobis per illum factis vindicare. Quod quidem non facimus ad iniuriam maiestatis vestre, neque ut imperio vestro aliquam displicentiam faceremus, sed ut ipse bassa de tam manifesta sua perfidia, prout dignus est, castigaretur. Quantum ad nos attinet, nos profecto cum maiestate vestra pacem semper optamus, rogamusque, ut si voluntas vestre maiestatis ad hoc est, quemadmodum semper nobis significavit velit aliquem talem probum hominem inter nos deputare, qui et cum maiestate vestra et nobiscum sinceriter et sine dolo agat, quia nos parati sumus ad omnem bonam amicitiam et vicinitatem cum maiestate vestra revenire, ex quo sanguine non alieni sumus et maiestati vestre, tamquam fratri nostro maiori in omnibus complacere, dum-