Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

abwesen vnnser verwalter anwelde, vnd dinstleut der kayserlich maiestat oder iren erben oder denen, so ir maiestat darzu verordnen werden, der berurten hauptmanschafft vnd ortfleckhen on alle beswarung vnd ausszug, alls irer kayserlich maiestat freie guter willigklich abtreten, vnd irer maiestat die mit allén herlichaiten, oberkhaiten, gerechtigkhaiten, dorffern, leuten, vnnderthanen, gutern, grundten, rennten, gulten, nutzen, einkomen, zue vnd eingehorungen, wie ob stet, nichz dauon ausgenomen, sambt den urbarn, auch sonnderlich allén geschutz, zewg, municion vnd aller annder varunden hab, so mir ytzo darmit oder hinach eingeantwort würde, inhallt der inventari vnd vrkund, so darumb gemacht werden sollen, freyledigklich widerumb vber antwortenn. Vnd ob mir zu der zeit solher abtretung an den funfzehen taussent guldin reinisch haupmanssold vnd vnderhaltung gellt icht vnbezalt ausstund, das sol mir durch ir maiestat, bey vnd gegen der abtrettung, damit ich die dinstlewt zufriden stellen müge, bezallt, mir auch ditz mein reuerss, oder geburlich todbrief darvber heraus geanntwort vnd gegeben werden, vnd vber das sollen noch wollen ich oder mein erben vns khainerlay gerechtigkhait, interesse, schulden noch vordrungen, wie die herrurend oder sein möchten anmasen noch dagegen behelfen, sonnder solh hauptmanschafft vnd ortfleckhen mit allém, wie ytz bestimt ist, frey zu kayserlich maiestat willen vnd gefallen trewlich stellen vnd volligen lassen. Vnd wan die kayserlich maiestat fur sich oder iren brueder, vnd so die baid nit weren, ir negst erben mich oder mein erben, wie ob stet, von solher hauptmanschafft abfordern wolten, so sollen sy vnns das ain viertl jar darvor verkhunden, vnd zu wissen thun. Gleich herwider sollen auch ich oder mein erben, wan vnns solh hauptmanschafft zu tragen, oder zu hanndeln nit mer gelegen oder gemaint sein wolt, gegen kayserlich maiestat auch thun, damit wir vnns baidennthalben darnach richten vnd fursehen mugen. Vnd sol nemblich solhe hauptmanschafft vnd besoldung auf den tag, so mir die in hannden geannt-