Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

amissione universorum bonorum, iurium possessionariorum, rerumque et bonorum ipsorum quorumlibet ubilibet intra ambitum tam huius Hungarie, quam etiam Croatie et Sclavonie regnorum nostrorum et partium illis subiectarum existentium et habitorum, ipsos solos proprie et precise concernentium convinci, condempnarique et aggravari debere nobis ac prefatis dominis baronibus, magistrisque prothonotariis et regni nostri nobilibus, sedis scilicet nostre iudiciarie iuratis coassessoribus nobiscum in iudicio et examine presentis cause pariter constitutis perspicue agnoscebatur: pro eo nos de eorundem dominorum baronum, magistrorumque prothonotariorum et predicti regni nostri nobilium, dicte scilicet sedis nostre iudiciarie iuratorum coassessorum quesito et assumpto superinde consilio prematuro nolentes prescriptam expugnationem, et captationem et detentionem prenarratorum castellorum dicti actoris per prefatos in causam attractos ordine prenotato patratam et commissam simpliciter et impune pertransire, ne alii ab eisdem exemplati ad similia facinora patranda se apponere presumant, sed potius eorum penalis afflictio quoslibet alios a talismodi perniciosis actibus perpetrandis terreat, retrahat et restringat, ceterisque terribile cedat in exemplum et successiva quoque ipsorum posteritas reatus illorum penám cum eis pariter lugeat et defleat, prefatos Bernardinum comitem ac Mathiam et Ferdinandum filios eiusdem in causam attractos pro prenarrata expugnatione prenarratorum castellorum dicti actoris, ac detentione et conservatione eorundem, hominumque interemptione et rerum direptione per eos modo et ordine prenotatis patrata et commissa vigore prescripti generális decreti in prenotata nota perpetue infidelitatis ac sententiis capitalibus, ex eoque in amissione proprietatis et hereditatis universaiium possessionum, portionumque et quorumlibet iurium possessionariorum, ac rerum et bonorum eorundem quorumlibet, ubivis intra ambitum predictorum regnorum nostrorum Hungarie, Croatie et Sclavonie, partiumque eisdem subiectarum existentium et habitorum, ipsos solos proprie et precise concernentium, nostris regiis manibus (dempta dumtaxat estima-