Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

sub metis et terminis in predictis litteris eiusdem specificatis, vigore earumdem litterarum suarum, presentibus in superioribus verbaliter insertarum memorato condam Stephano bano, filio comitis Stephani, predecessori et progenitori iamfati Nicolai comitis donasse et contulisse, et eandem per Petk hominem suum regium et idoneum testimonium dicti capituli zagrabiensis eidem Stephano bano statui fecisse; postremo vero antelatus dominus Mathias rex, modernus dominus noster gratiosissimus, fidelibus servitiis ipsius Nicolai comitis in causam attracti requirentibus et exigentibus, eandem terram Dresnek nomine districtus seu generationis Dresnyk et Newgrad, prout per pretactas litteras eiusdem donationales edocebamur, in prescripto anno verbi incarnati millesimo quadringentesimo septuagesimo quinto pro fidelibus servitiis ipsius Nicolai comitis eidem Nicolao comiti, ipsiusque heredibus et posteritatibus universis modo simili imperpetuum contulisse, et iuxta domini nostri regis donationem regius et capituli zagrabiensis ecclesie homines eundem districtum seu generationes Dresnyk et Newgrad simulcum aliis possessionibus, oppido et castro, modo et ordine in eisdem litteris statutoriis dicti capituli zagrabiensis contentis sepefato Nicolao comiti, suisque heredibus, nemine contradicente, imperpetuum statuisse ex premissis reperiebantur manifeste, propter quod idem districtus Dresnyk simulcum suis cunctis pertinentiis quibuslibet sepenominato Nicolao de Frangapanibus comiti etc., eiusdemque heredibus et posteritatibus universis relinqui et committi, per hocque iidem incole et inhabitatores ipsius terre seu districtus Dresnyk tanquam terras eiusdem Nicolai comitis colentes et inhabitantes contra eundem Nicolaum comitem, tanquam dominum terre inhabitationis eorum ab huiusmodi litium seu causarum motione et processibus cessare debere nobis, necnon electis ac iuratis et iudicibus nobilium, ceterisque proceribus et nobilibus zagrabiensis et tinniensis predictorum et aliorum comitatuum nobiscum in examine presentis cause existentibus cernebatur: eorumdem itaque electorum et iuratorum, iudicum nobilium, ceterorumque procerum dictorum comitatuum