Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

fundamenta futurorum inclitorum operum suorum certis presagiis iecit. Nam quitquid sibi undecumque emolimenti obvenisset, ad patrie decus conferebat, quod genus vite ab eodem etiam in hac adulta etate sua constanter retinetur. Preclarus autem miles et venerabilis comes integerrima fide devotisque obsequiis predecessoribus nostris, regibus Hungarie ad tempóra vite eorumdem adhesit. Consequenter ipsis regibus post sese ut Domino piacúit vita functis condam inclito genitori nostro, qui hoc regnum nostrum gubernabat, adherens obtemperare ei veluti gubernatori et tutori regni simul et complacere numquam recusavit. Demum tempore intermedio condam serenissimo principe domino Ladislao, rege Hungarie et Bohemie etc,, immediato precessore nostro ab hac luce decedente, nos in regem Hungarie divina dispositione succedentes primus inter alios potiores regnorum nostrorum Dalmatie et Croatie predictorum sincera fidei integritate, devotisque obsequiis veluti naturalem suum regem et dominum visitavit, recognovit et honoravit, ac de sincera fidei sue constantia sufficientibus nos cautionibus certificavit, cuius exemplo alii ducti similiter venerunt et devota oblatione nos eorum regem declararunt ita, ut possessio ipsarum partium regni nostri nobis feliciter per hoc accederet. Postremo, cum pridem sanctissimus dominus noster papa Pius secundus condolens afflictis rebus fidei Mantue diétám omnibus regibus et principibus katholicis indiceret, ipse comes Stephanus onus legationis nostre in persona nostra et totius regni nostri in se libens suscepit, et non parcendo persone et rebus suis, cum aliis legatis nostris sibi iunctis ivit ad dietam ipsam, que fere per decem menses tenebatur, cum ingenti apparatu, ubi decus nostrum et totius regni nostri fűit, et ea, que illic conclusa sunt, et que pro exaltatione nostri nominis de'bebant, reportavit, exinde secundum velle nostrum, ceterosque legatos nostros secum salvos duxit et reduxit, quod solum ex industria eius factum est; nam eis aditus eorum et reditus ita difficilis offerebatur, ut nisi presentia, industria et fama ipsius comitis Stephani, que apud multos viget, affuissent, vei capti, vei in predam divisi ab inimicis nostris fuissent.