Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

Paul Czendgraff getan hat vnd noch fur an gern tuen wil, darum wir im auf sein ains lebtag vnd nit verrer wegnadet vnd verschriben habén, das er vnser purggraff yczo vnd hinfuran sein sol vnsers gsloss vnd der herschafft daselb zum Slun. Vnd darzu hab wir im verschriben mit vnserm willen wissenlich mit dem wrief alle nucz vnd ranndt halbe, so zu dem wenantten vnserm gsloss gehort, es sey in wein, in gedrayd, in gelt von der mawt oder von andern dingen, wy dann dy nucz genandt sind, hin dan geseczt, ob wir ycht stewr oder ansleg auf dy vnsern tuen wurden, darinn sol im nichcz zu sten, sunder im sol auch zusten das paw halbs dy sadt auf dem veid, so man zu dem gsloss pawedt, zu solcher sadt er auch halben sam geben sol vnd wir den andern halben tail. Wir sulién auch das wenantt paw an sein muee mit vnsern volkch pawen lassen vnd dy selben sadt auf dem veid mit der garbm taillen ; er sol auch habén all vall so im gericht geuallen an allayn, was dy vnsern vellig werden, dy sol er gütiklich haltén als wir im des vertrawen. Wir sulién im auch ein haws in der stat geben, darinne er syczen sol, vnd wenn wir oder vnser gemáhel hie zum Slun nit sein, so sol er in dem gsloss persondlich selbs sein vnd das mit andern den vnsern trewlich werwaren, vnd wenn wir dann widerum komén, so sol er wider in sein haws als vor. Er sol vns auch mit dem gsloss zu allén vnsern noturfften getrew vnd gewartig sein als ain getrewer dyener seiner herschafft des schuldig ist. Er sol auch in das wenantt gsloss an vnsern willen nymand auf nemen. Vnd das im alsó dy gegenburtig stat vnd vnczubrochen weleib, das gelob wir im pey vnsern gütten ern vnd trewn. Zu vrkundt der warhayt geben wir im den wrief mit vnserm aygen anhangunden insigel, vnd zu merer geczevvgnuss der obgeschriben sachen so habén wir gepetten den wolgeboren vnsern lieben wruder graff Mertein von Frangepan etc., das er durch vnser vleyssigen ped