Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)
aliquas litteras prenominatus comes Martinus super premissis possessionibus et castello prenotato sonantes haberet, et easdem ipsí comiti Bartholomeo dare non posset vei recusaret, extunc illas vanas, cassas, frivolas ac mortuas, immo intra et extra iudicium exhibitoribus earundem nocituras reliquisset et commisisset. Assumpsisset nichilominus prenotatus dominus comes Martinus eundem Bartholomeum comitem, et suos heredes in pacifico dominio prescriptarum possessionum et portionum possessionariarum, et castelli prenotati contra quosvis illegitimos impetitores, ac causidicos et actores propriis suis laboribus et expensis tueri, protegere et defensare. Pro residuis vero mille ac noningentis florenorum auri sepefatus dominus comes Martinus quasdam possessiones seu portiones suas possessionarias, Belgrád et Kothor nuncupatas, in districtu Vinydoly habitas et existentes coram eisdem sociis et concanonicis nostris, uti ipsi nobis retulerunt, in sortem prescripte redemptionis ipsius castri Bakor, necnon proventuum eiusdem castri per eundem comitem Martinum perceptorum, ac etiam expensarum et fatigarum, per annotatos Nicolaum et Bartholomeum comites factarum, annotato comiti Bartholomeo et suis heredibus vigore aliarum litterarum nostrarum superinde confectarum, usque tempus redemptionis earundem impignorasset. Prenominatus vero dominus comes Bartholomeus annotatum dominum comitem Martinum super universis dampnis, nocumentis et aliis quibusvis malorum generibus per eundem comitem Martinum suosque predecessores eisdem Nicolao ac Bartholomeo comitibus quomodocunque et qualitercunque ratione predicti castri Bakor vocati hucusque illatis et irrogatis, necnon ratione solutionis et satisfactionis premissorum quatuor millium et ducentorum florenorum auri quitum, pacificum et módis omnibus absolutum reddidisset. Universas quoque litteras tam ipsius comitis Martini obligatorias ac etiam regias et alias quascunque, sub quacunque forma verborum, coram quocunque iudice et iustitiario ratione occupationis ac perceptionis fructuum dicti castri Bakor et suarum pertinentiarum, ac expensarum et fatigarum
