Thallóczy Lajos - Barabás Samu: A Frangepán család oklevéltára. I. 1133-1453 (Budapest, 1910)
rex, ac dux Austrie, memorie commendantes tenore presentium significamus quibus expedit universis, quod nos, qui divina nobis suffragante clementia [in] throno locati eminentiori sceptra gerimus regalia, et eorum principatui auspice Domino felliciter presidemus, cunctorumque nobis fideliter obsequentium actus et merita circumspecta consideratione pensare, ipsisque proinde ex innata nobis regia liberalitate condigna premia et regalium retributionum eximia antidota consuevimus elargiri, proinde ad universorum notitiam harum serie volumus pervenire, quod nos consideratis et in regalibus precordiis digna mentis meditatione pensatis preclaris fidelitatibus et laudum preconio attollendis obsequiis fidelis nostri dilecti spectabilis ac magnifici Martini, filii condam Nicolai de Frankapanibus Wegle, Segnye et Modrusse comitis, per ipsum primum, uti prelatorum et baronum nostrorum nobis superinde sufficienti et debita narratione prehabita revera sumus informati, sacre corone prefati regni nostri Hungarie, ac condam excelientissimo principi domino Sigismundo romanorum imperátori, et ipsius regni Hungarie etc. regi, patri et socero nostro carissimo in diversis suis et regnorum suorum arduis agendis et difficilimis expeditionibus et signanter contra turcos, christiane religionis dirissimos persecutores, ac bosnenses infideles, consequenterque nobis divina chooperante clementia solium et régimén ipsius regni nostri Hungarie felliciter adipiscentibus et enactis etiam maiestati nostre pro nostri regii honoris exaltatione, ad nutum et beneplacitum nostre serenitatis cum sumpme fidelitatis constantia et estuantis animi desiderio, persone et rebus suis non parcendo locis debitis et temporibus opportunis laudabiliter et indesinenter exhibitis et impensis, pretextu quorum cupientes ipsum comitem Martinum aliqualis regie remunerationis premio ad presens prevenire, totales proventus et exactiones mardurinales nostro de universis possessionibus suis atque tenutis, ad castrum Lypowcz et Oklych vocatorum spectantibus de iure provenire debentes culmini exhinc iugiter et in perpetuum memorato comiti Martino, suisque heredibus et posteritatibus universis, ex certa scientia et animo deliberato,
