Thallóczy Lajos - Barabás Samu: A Frangepán család oklevéltára. I. 1133-1453 (Budapest, 1910)
Quoniam unicum est oblivionis remedium scriptura, que calumpniis infert silentium et modum contentionis explicans sua serie loquitur presentibus et posteris veritatem, hinc est, quod ad universorum notitiam harum serie volumus pervenire, quod egregius miles magister Mykch de Prodauiz, filius condam magnifici viri Akus regnorum Sclavonie, Dalmatie et Croatie bani, coram nobis et in nostri medio constitutus dixit et sue vive vocis oraculo confessus est in hunc modum, quod ipse ex causis legitimis et rationabilibus, ac efficacissimis pridem incombentibus quoddam suum castrum Rybnyk vocatum, in contigua vicinitate castri regalis Ozol appellati ex una parte, ex altéra vero parte iuxta confinia provincie Theutonie videlicet comitis de Chelya Mechliche nuncupate habitum et situatum, magistrum Mykch iure hereditario, iustoque titulo et iure concernens cum universis eiusdem castri Rybnyk provinciis, villis, tributis, mardurinis, foris, iuribus, pertinentiis et proprietatibus in eisdem provinciis et villis semper et ab antiquo exigi consuetis et existentibus, necnon cum vineis, terris arabilibus, pratis sive fenetis, silvis, memoribus, aquis et aquarum decursibus et generaliter cum omnibus et singulis utilitatibus, proventibus, fructuositatibus, commoditatibus atque pertinentiis ad dictum castrum et provincias, ac villás et quamlibet partém eorum spectantibus et pertinentibus quovismodo spectabili domino domino Nicolao comiti Vegle, Modrussie etc. filio magnifici viri et potentis condam domini Johannis comitis ac bani pridem Dalmatie, Croatie et Sclavonie regnorum recolende memorie,» consanguineo suo carissimo, et suis heredibus heredumque suorum successoribus ac posteritatibus perpetuo et irrevocabiliter ac iure perhempnali pro novem millibus et sexcentis ducatis auri puri et iusti ponderis, plene et integre ut dixit ab ipso domino comite Nicolao habitis et receptis et per eundem dominum comitem Nicolaum ipsi magistro Mykch persolutis cum effectu vendidisset, dedisset ac etiam assignasset, imo dedit, vendidit, assignavit et perpetuavit nostri in presentia ad habendum, vendendum, possidendum, gaudendum, vendendum et alienandum, et quicquid sibi et suis heredibus deinceps placuerit
