Thallóczy Lajos - Barabás Samu: A Frangepán család oklevéltára. I. 1133-1453 (Budapest, 1910)
occurrere cum favore, ut regalis remunerationis solita suavitate pregustata in nostris obsequiis deinceps exequendis solito zelo ferventius animetur, unacum eadem serenissima principe domina Maria inclita dicti regni Hungarie regina, consorte nostra carissima, prelatisque et baronibus, militibus et potioribus proceribus regni nostri matúra deliberatione exinde prehabita, ex consilioque, consensu et sanctione unanimi eorundem quoddam castrum nostrum, Cheten nuncupatum cum districtu seu territorio Klokoch vocato, in comitatu zagrabiensi situm et habitum memorato viro magnifico domino Johanni Wegle ac Modrusse comiti, eiusque heredibus et posteritatum cunctis sobolibus pro pretaxatis ipsius strennuis gestis ac virtuosis actibus, fidelibus, preclaris obsequiis et laboriosis certaminibus ipsius, precipue reginalis maiestatis liberatione, ac nostrum et omnium regnicolarum nostrorum commodum et tranquillum statum concernentibus, simulcum ipsorum castri et districtus iuribus, iurisdicionibus, tenutis, proprietatibus, oppidis, villis, ecclesiarum patronatibus, foris et tributis, terris cultis et incultis, pratis, agris, pascuis, vineis, silvis, nemoribus, aquis, molendinis, stagnis, piscinis, vadis, ampniumque cunctis decursibus et redditibus, ceterisque quibuslibet utilitatibus et obventionibus, usibus campestribus scilicet silvestribus et limphaticis et pertinentiis universis sub prisca et pristino verarum metharum eorundem limitatione et gyro per regiam maiestatem hactenus possessa et servatis mera auctoritate et potestatis plenitudine, et ex certa scientia nostre maiestatis nove donationis nostre titulo et vigore de manibus nostris regiis dedimus, donavimus et in evum contulimus, immo damus, donamus et perhenniter conferimus effective per ipsum, eiusque superstites et successores perpetuo et irrevocabiliter tenendum, possidendum pariter et habendum pleno iure presentium patrocinio mediante, sine dumptaxat preiudicio iuris alieni, nichilominus nostro et nostrorum successorum regum utputa Hungarie nominibus prefatum Johannem comitem, eiusque omnes superstites in pleno et pacifica pretaxatorum castri Cheten ac districtus Klokoch et ipsorum quarumlibet pertinentiarum dominio et possessione 7*
