Oklevéltár a gróf Csáky család történetéhez. II. Oklevelek 1500–1818. (Budapest, 1919.)

penes quos est conclave quodpiam angustum sub fornice et pavimento lateribus exposito per portám et fenestram vacuas vento permeante, vicissim iuxta hoc est cubiculum sub fornice duabus fenestris una vacua, altéra cratibus munita sine porta. In cuius contignatione postremum in tractu hoc cubiculum adeoque finale porta et fenestra flantibus ventis pervia sub fornice. Per longitudinem circumscripti huius tractus ad orientem positi a gradibus ligneis praevie declaratis est ambitus ligneus per extensum asseribus expositus, fractis nihilominus in medio tribus. Porro in média arcis area datur rotund^ turris omnia super eminens arcis aedificia, in qua est locus carceris in forma putei profundus ferrea craticula tectus gradus ad orificium eiusdem carceris a foris satis incommodi lignei. Super tractum a parte orientali tecta viderentur utcunque commoda, sed intuentibus foraminosa, imbricibus sive canalibus hinc inde ruptis adeoque stilantibus. Demum in tractu a parte occidentali tecta cum canaJibus ob antiquitatem putrefacta. Postremo partis meridionalis tecta in mediocri statu constituta reperiuntur. Tandem pro fine infimae arcis seu ut vulgus dicit Vidékvár status in eo consistit, quod a fundamentis soüdis et satis robustis circumvalletur muris, tribus item propugnaculis, a superiori nihilominus parte cum nullo sint provisi tecto muri, iidem deciduam minentur in dies ruinam,et hinc inde iam decidant. Sunt adhuc in arce superiori novem tormenta, quorum tria maiora, duo minora cum insignibus comitum de Csák, quatuor vero minora cum insignibus et inscriptionibus Prépostvarianis. Super qualismodi per nos modo praemisso peractae conscriptionis serie nos quoque praesentes nostras altefatae excelsae familiae comitum Csáky de Keresztszegh tit. etc. futura iurium pro cautela deservituras extradandas duximus in forma testimonialium literas. Actum in arce Scepusiensi die nona mensis Április, anno millesimo septingentesimo quadragesimo octavo. Ignatius Vitkóczy inclyti comitatus Scepusiensis subiudice nobilium mp. Is. Christophorus Tőke inclyti comitatus Scepusiensis iurassor mp. Is.