Oklevéltár a gróf Csáky család történetéhez. II. Oklevelek 1500–1818. (Budapest, 1919.)

et per successores nostros legitimos Hungáriáé reges relinqui volumus. Secundo. Praenominata arx Scepusiensis cum universis eiusdem praerecensitis oppidis villis possessionibus portionibus possessionariis ac quibuslibet pertinentiis obventionibusque et emolumentis ad dies vitae a solo comite Stephano de Chák integre et realiter teneatur et possideatur. Tertio. Decedente ex hac luce praefato comite Stephano de Chák immediate succedant in dominium dictae arcis et pertinentiarum eiusdem duo filii sui Franciscus et Stephanus ipsorumque haeredes et posteritates masculini sexus universi eodem iure perpetuo. Quarto. lisdem porro in sexu masculino deficientibus succedat Ín dominium memoratae arcis et pertinentiarum tertius eiusdem filius Ladislaus ac alii si benignitate divina ita disponente ex eodem comite Stephano de Chák nati fuerint filii, ipsorumque haeredes modo simili sexus masculini iure perpetuo universi. Quinto. His quoque pari ratione deficientibus saepedicta arx et praedeclaratae universae eiusdem pertinentiae mox et defacto condescendant et devolvantur ad praefati comitis Stephani de Chák posteritates foeminei sexus universas itidem iure perpetuo iuxta ramum generationis eorundem. Sexto. Post defectum utriusque sexus antelatae familiae Chákiánae in legatarios eorundem iure redemptibili devolvatur, ita ut neque nos neque successores nostri legitimi nempe Hungáriáé reges eandem arcem aliter rehabere possimus, quam deposita in capitulo Scepusiensi iisdem simul et semel in bona iusta et per totum regnum nostrum Hungáriáé currenti moneta, praehabita prius sex mensium denunciatione, praedicta totali centum sexaginta septem millium septingentorum et nonaginta novem florenorum summa, necnon expensis in redemptionem oppignoratorum bonorum ac reparationem praedictae arcis Szepes et pertinentiarum aedificiorumque constructionem per antelatum comitem ac haeredes et posteritates eiusdem utriusque sexus universos iam factis et imposterum fiendis prout ex literis testimoníalibus et recognitionalibus vicecomitum ac iudicum nobilium praesentium et futurorum saepiusdicti comitatus Scepusiensis conscientiose limitantium constabunt. Septimo. Consors autem moderna dicti comitis generosa videlicet ac magnifica domina comitissa