Oklevéltár a gróf Csáky család történetéhez. II. Oklevelek 1500–1818. (Budapest, 1919.)

t]\1 sona generosae dominae Juditae Georgey egregii condam Sigismundi Rudnay relictae viduae dominae suae quoad portionem ibidem habitam in quantum iuris ibidem haberet, statutioni et introductioni memoratorum donatariorum contradixisset. Item die vigesima quarta eusdem mensis Januarii egregius Sandrinus Korotnoky in possessione dicta Domaniocz degens quoad portionem suam ibidem habitam in quantum iuris in eadem haberet, statutioni dicti domini comitis ac dominae consortis eiusdem contradixisset. Item die decima nona dicti mensis Januarii illustrissimus dominus comes Joannes Drugeth de Homonna iudex curiae regiae nominibus et in personis generosarum ac magnificarum dominarum comitissae Annae consortis suae Elisabethae magnifici domini Ladislai Barkoczy de Szala sacrae caesareae regiaeque maiestatis praesidii Kassouiensis supremi capitanei consortum ac Catharinae magnifici olim domini Francisci Daroczy de Dereghnio iunioris relictae viduae nec non universorum consanguineorum foeminei sexus lineae generationis illustrissimi olim domini comitis Georgii Thurzo de Bethlehemffalwa (sic) alias regni Hungáriáé palatini et iudicis Cumanorum totali introductioni et statutioni spectabilis ac magnifici domini Stephani Chaky ac dominae Evae Forgach consortis eiusdem in universis bonis Thurzonianis qualitercunque factae solemniter contradixit. Eodem die egregius Andreas Filiczky nomine et in persona reverendissimi domini Francisci Petheo de Gerze praepositi et conventus ecclesiae beati Joannis Baptistae de Jaszow contradixit statutioni dominorum donatariorum hic coram nobis personaliter constitutus in quantum praedicto conventui praeiudicaret, praecipue autem ratione metarum litigiosarum inter possessiones praedicti conventus Meczenzeff et arcis Scepusiensis oppidi Stos sic vocatarum. Item die 23. dicti mensis Januarii generosa domina Euphrosina Korothnoky egregii quondam Valentini Banoczy relicta vidua hic in capitulo coram nobis personaliter constituta quoad curias nobilitares in possessionibus Domaniocz et Baldocz nec non portionem possessionariam in Olsavicza, eodem die agilis Christophorus Farkas nomine et in persona relictae dominae egregii condam Wilhelmi Georgey quoad curiam nobilitarem in possessione Machalffalwa habitam statutioni