Oklevéltár a gróf Csáky család történetéhez. II. Oklevelek 1500–1818. (Budapest, 1919.)

habituris salutem in eodem domino Christo Jesu mundi salvatore. Quoniam eorum quae in tempore fiunt memória, eiusdem diuturnitate tacita oblivione deleri et evanescere sólet, provida mentis humanae sagacitas adinvenit, ut ea literarum beneficio posteritati conserventur sic perennitatem consecutura. Proinde nos ad universitatis vestre harum serie volumus pervenire notitiam, quod nos literas illustrissimi domini domini Sigismundi Báthori de Somljo principis Transsilvaniae et Siculorum comitis etc. domini nostri clementissimi introductorias pariter et statutorias pro magnifico Stephano Chakj de Keresztzegh aulae suae celsitudinis familiari confectas et emanatas nobisque praeceptorie sonantes et directas honorifice ut decuit recepimus in haec verba. Sigismundus Báthori de Somljo princeps Transsilvaniae et Siculorum comes etc. nobilibus requisitoribus literarum et literalium instrumentorum in sacristia sive conservatorio beatae Mariae virginis de Colosmonostra repositarum et locatorum ac aliarum quarumlibet iudiciarum deliberationum legitimorumque mandatorum nostrorum executoribus per nos ad id delectis salutem et favorem. Cum nos cum ad nonnullorum dominorum consiliariorum nostrorum singularem intercessionem nobis propterea factam, tum vero attentis et consideratis fidelitate et fidelibus servitiis magnifici Stephani Chakj de Kereztzegh aulae nostrae familiaris, quae ipse nobis et huic regno pro locorum et temporum varietate ab ineunte statim aetate sua sedulo animo summoque studio diligentia animi sui promptitudine et alacritate exhibuit et impendit ac in futurumque exhibiturus et impensurus est, totales et integras portiones nostras possessionarias in oppido Nagj Almás ac vico Desewfalwa simul cum integra média parte arcis dirutae eiusdem nominis similiter Nagj Almás in comitatu Colosiensi existentes et habitas ethactenus ad curiam nostram Egeresiensem possessas, totum item et omne ius regium, si quod in eisdem etiam aliter qualitercunque haberetur, aut eaedem et idem nostram ex quibuscunque caussis viis módis et rationibus concernerent collationem simul cum cunctis suis utilitatibus et pertinentiis quibuslibet terris scilicet arabilibus cultis et incultis agris pratis pascuís campis foenetis silvis nemoribus montibus vallibus