Oklevéltár a gróf Csáky család történetéhez. I. Oklevelek 1229–1499. (Budapest, 1919.)
149^ május 16. A váradi káptalan bizonyítja, hogy Szilágyi János (mező-)peterdi, biharmegyei birtokát 45 aranyforintért Csáky Mihálynak eladta. Capitulum ecclesie Waradiensis omnibus christifidelibus presentibus pariter et futuris presencium noticiam habituris salutem in omnium salvatore. Ad universorum noticiam harum serie volumus pervenire, quod nobilis Johannes filius condam Georgii Zylagy de Petherd nostram personaliter veniens in presenciam sponte et libere confessus est in huncmodum, quomodo ipse pro quibusdam arduis et maximis suis necessitatibus ipsum ad presens summe urgentibus evitandis totalem porcionem suam possessionariam in prefata possessione Petherd in comitatu Byhoriensi existenti habitam, nunc erga manus egregü Michaelis de Chaak pro viginti florenis aureis titulo pignoris existentem, simulcum cunctis utilitatibus et pertinenciis eiusdem universis, terris scilicet arabilibus cultis et incultis agris pratis fenetis fenilibus aquis fluviis piscinis piscaturis silvis nemoribus et generaliter quarumlibet utilitatum et pertinenciarum suarum integritatibus quovis nominis vocabulo vocitatis, ad eandem de iure et ab antiquo spectantibus et pertinere debentibus memorato Michaeli de Chak eiusdemque heredibus et posteritatibus universis tam pro prescriptis viginti florenis aureis quam eciam pro aliis viginti quinque florenis auri puri Hungaricalibus boni veri et iusti ponderis plene ut dixit ab eodem prius levatis et receptis dedisset vendidisset et perpetuasset iimo dedit vendidit et perpetuavit iure perpetuo et irrevocabiliter tenendam possidendam pariter et habendam, nullum ius nullamve iuris et dominii proprietatem sibi ipsi in eadem reservando, sed totum et omne huiusmodi ius et dominii proprietatem, quod et quam ipse in eadem habuisset, seu quovismodo in futurum habere posse speraret, in et ad prefatum Michaelem de Chak eiusdemque heredes et posteritates universos transtulit. Assumpmens nihilominus et obligans se prefatus Johannes Zylagy annotatum Michaelem de dicta Chak eiusdemque heredes et posteritates in perpetuali pacifico dominio dicte totális porcionis possessionarie contra quoslibet iuridicos impetitores protegere tueri et defensare propriis suis
