Oklevéltár a gróf Csáky család történetéhez. I. Oklevelek 1229–1499. (Budapest, 1919.)
ficamus quibus expedit universis, quod in congregacione nostra generáli universitati nobilium comitatus Bihoriensis feria sexta proxima ante festum Omnium Sanctorum prope Waradinum celebrata Andreas de Erdewhegh castellanus castri Kereszegh in personis virorum magnificorum Nicolai de Chaak, alias waywode Transsilvanensis et Georgii pridem comitis Siculorum, filiorum Stephani de medio aliorum exurgendo proposuit eo modo, quod terra Bodonharaztya vocata habitatoribus destituta inter possessiones Gyapyw magistri Johannis filii Nicolai de Telegd ac Philiphaza nobilium de eadem necnon Bikach et Nyarzegh capituli ecclesie Waradiensis ac Inand nobilium similiter de eadem existens et adiacens semper et ab antiquo cuius non esset memória, hominum ad dictum castrum Kereszegh prefatorum dominorum Nicolai et Georgii tam oliim temporibus illustrium principum Karuli et Lodovici beatarum recordacionum quam eciam domini nostri Sigismundi moderni Hungarie regum et per consequens eo tempore, quo idem castrum Kereszegh condam Stephano de Lochonch bano per ipsum dominum nostrum Sigismundum regem pro eiusdem laudedignis serviciis donatum fuisset, pertinuisset et de iure pertinere deberet de presenti, eademque terra Bodonharaztya populi et iobbagiones ad dictum castrum Kereszegh pertinentes, quibus uti necesse fuisset et esset pacifice usi fuissent usque modo, et hoc iudicibus nobilium iuratisque assessoribus congregacionis nostre predicte constaret evidenter, petens nos idem Andreas nominibus quibus supra, ut iidem iudices nobilium ac iurati assessores qualem de premissis scirent, per nos requisiti faterentur veritatem. Cumque nos eosdem iudices nobilium et iuratos assessores super premissis requisitos habuissemus, iidem ad fidem eorum Deo debitam fidelitatemque dicto domino nostro regi et suo sacro dyademati conservandam pro dicenda veritate et iusticia observanda tacto dominice crucis ligno nobis prestitam, omnia premissa et singula premissorum secundumque idem Andreas in persona dictorum dominorum Nicolai et Georgii filiorum Stephani proposuisset. Et quod idem condam Stephanus banus dicto tempore quo ipse prefatum castrum Kereszegh ex ipsius domini nostri Sigismundi regis donacione possedisset, ipsam terram Bodonharaztya a
