Oklevéltár a gróf Csáky család történetéhez. I. Oklevelek 1229–1499. (Budapest, 1919.)

multorum iuribus et presertim possessionariis dampna gravia et periculosa detrimenta hactenus evenire potuerunt, a festő beati Georgii martyris iam proxime preterito usque festum eiusdem primitus affuturum sub pena revocacionis annullacionis et cassacionis huiusmodi literarum non producendarum per nos vidende examinande et si opus fieret, sub presenti nostro maiori sigillo de novo preparato consummandum approbandum et ratificandum nostre claritatis exhiberi deberent conspectui et presentari. Tandem fidelis noster vir magnificus Nicolaus filius Stephani de Zydow, alias wayvoda noster Transilvanensis sua ac Georgii pridem comitis Siculorum nostrorum necnon Stephani fratrum suorum de eadem in personis nostre celsitudinis veniens in conspectum, exhibuit nobis quasdam literas nostras patentes ipso priori minori rotundo sigillo nostro alias in conflictu nostro personali in regno Bulgarie prope castrum maioris Nicopolis cum Baiszath Turcorum imperatore inito causaliter deperdito consignatas super donacione et perennali nostra collacione eiusdem possessionis Eez vocate in comitatu Byhoriensi habite, que condam Andree filii Stephani de eadem Eez hominis sine heredum solacio defuncti fuisse asseritur et iuxta regni nostri usum et consuetudinem ad manus nostras regias devolute pro eisdem Nicolao wayvoda et Georgio ac dicto condam Stephano patre ipsorum eorumque heredibus et posteritatibus universis rite factis confectas et emanatas tenoris subsequentis, supplicans idem Nicolaus suo et nominibus quibus supra nostro culmini prece subiectiva, ut easdem literas ratas gratas et acceptas habendo nostrisque literis patentibus tenores earundem sub moderno novo nostro maiori sigillo emanandas verbotenus inserifaciendo eoque ipsum antiquum minus sigillum nostrum rotundum, ut premittitur casualiter foret deperditum, eisdem uberiorem dare dignaremur ad cautelam, quarum tenor talis est. Átírva a királynak 1393 április 5-én kelt adománylevele Esz birtokról. Nos igitur humillimis et devotis ipsius Nicolai wayvode supplicacionibus, per ipsum suo et nominibus quibus supra nostre subiective oblatis maiestati regia benignitate exauditis .et clementer admissis, prefatas literas nostras patentes presenti-