Oklevéltár a gróf Csáky család történetéhez. I. Oklevelek 1229–1499. (Budapest, 1919.)

Proinde ad universorum noticiam harum serie volumus pervenire, quod cum nos prelatorum baronum et pociorum regni nostri procerum communicato consilio et sana deliberacione exinde subsecuta id statuentes decrevimus et ubique in regno nostro fecerimus publice proclamare, ut universe littere condam excellentissimi principis domini Lodovici regis Hungarie soceri et predecessoris nostri carissimi sub ipsius secreto sigillo tantummodo et serenissimarum principum Elizabeth et Marié reginarum matris et conthoralis nostrarum carissimarum felicium recordacionum, necnon nostre sub earum atque nostris tam maioribus quam minoribus sigillis super factis quibusvis et presertim possessionariis, pro quibuscunque personis dignitate quavis et condicione fungentibus ecclesiasticis et secularibus date et assignate pro tollendo omni dubio removendo scandalo et ad evitanda multa atque varia, que propter sigillorum ipsarum reginarum atque nostrorum deperdicionem ac nostri maioris videlicet duplicis ex causis et racionibus legitimis confraccionem in multorum iuribus et presertim possessionariis dampna gravia et periculosa detrimenta hactenus evenire potuerunt, a festő beati Georgii martyris iam proxime preterito usque festum eiusdem primitus affuturum sub pena revocacionis annulacionis et cassacionis huiusmodi litterarum non producendarum per nos vidende examinande et si opus fieret sub presenti nostro majori sigillo de novo preparato confirmande approbande et ratificande nostre claritatis exhiberi deberent conspectui et presentari. Tandem fidelis noster vir magnificus Nicolaus filius condam Stephani de Chaak alias vayvoda noster Transilvanus sua ac Georgii pridem comitis Siculorum nostrorum necnon Stephani fratrum suorum uterinorum in personis nostre celsitudinis veniens in conspectum, exhibuit nobis quasdam duas litteras, unam scilicet nostram patentem ipso maiori sigillo nostro pridem confracto attergo consignatam super donacione et perennali nostra collacione cuiusdam possessionis Thoty vocate in comitatu Byhoriensi existentis, quae condam Ladislai filii Jacobi de Gynyow hominis absque heredum solacio de medio sublati prefuisse perhibetur suarumque cunctarum utilitatum et pertinenciarum et aliam honorabilis capituli ecclesie Varadiensis privilegialem