Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

abbatis Sancte Crucis propter contumaciam et possessionem causa rei servande adiudicavimus ei, mittendo ipsum in corporaleni possessionem et defendendo inductum per censuram ecclesiasticam, ita ut quando reus idem Wfernherus] infra annum venerit et cautionem de stando iuri prestiterit et expensas, que facte sunt in litem, cum taxatione et iuramento declaratas restituerit, recuperet possessionem, alioquin post annum abbas efficietur verus possessor. Post hec iterum petebat abbas de Sancta Cruce fieri publicationem testium sub hac forma: Ego abbas de Sancta Cruce peto sub religione iuramenti sine fraude et dolo rationabili de causa, timeo enim periculum ecclesie mee propter nirniam moram et diuturnitatem temporis in protractione controversie huius imminere. Unde, ne probationis copia mihi fortuitis casibus subtrahatur, suppliciter peto, ut testes senes, valitudinarii, de quorum morte et absentia timeo diuturna, ante litem contestatam a vobis recipiantur. Hec est interlocutoria iudicum : In nomine Patris et Filii et Spiritus Sancti amen. Nos iudices delegati interloquimur petitionem abbatis de Sancta Cruce rationabilem esse et ideo admittendam. Unde testes suos senes, valitudinarios, per quorum mortem sibi timet preiudicium generari, duximus esse audiendos, ita dumtaxat, ut ante publicationem testium denuntiatio fiat ad domum iamdicti W[ernheri], ut vei veniat vei responsales mittat ad productionem testium. Hac autem denuntiatione facta sive veniat sive non veniat, nos testes nichilominus audiemus et in scriptis fideliter redacta et sigillis nostris clausa usque ad tempus a iure definitum reservabimus. Karissimo in Christo F. abbati Scotorum in Wienna Ch. Newinburgensis prepositus salutem et fraternam in Domino caritatem. Commissam vobiscum a Sede Apostolica causam habuimus, que vertitur inter abbatem Sancte Crucis et dominum W[ernherum] de Ouen, cui discutiende interesse non possumus, tum quia condelegatus nobis est decanus noster et necesse est alterum ex nobis semper adesse et preesse conventui, tum quia propter malum statum terre oportet, ut caveamus honori nostro studiosius et persone, vicém ergo nostram et auctoritatem decano nostro plene committimus, dictis de causis dirimende üti non audentes personaliter interesse. Viro illustri et discreto domino W. de Arnstein nobili ministeriali F. divina miseratione abbas Scotorum in Wienna et F. decanus Newinburgensis orationes et salutem in Domino. Noverit benignitas vestra,