Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

scilicet ad proximum festum Vincula sancti Petri in Haimburch per se vei per curatorem idoneum veniret super eadem causa finaliter responsurus. Hic est libellus conventionalis. Petit abbas Sancte Crucis nomine sui monasterii predia illa sita in Pomgarten, que olim dominus Ch. de Altah in fine vite sue contulit monasterio Sancte Crucis, a domino Wernhero de Ouen ad ius et proprietatem ecclesie sue restitui coram nobis iudicibus delegatis a curia Romana, offerendo probationes, quod hec predia ad monasterium Sancte Crucis pertinere debeant et quod dictus W[ernherusj ea iniuste detineat. D. miseratione divina abbas Scotorum in Wienna, Ch. prepositus Newinburgensis et eiusdem ecclesie decanus domino W[ernhero] de Ouen viro provido et honesto salutem et orationes in Domino. Meminisse volumus dilectionem vestram, quod super querimonia venerabilis abbatis de Sancta Cruce de quibusdam prediis in Pomgarten, scilicet XIII mansis et aliis agris, pascuis, piscationibus, que ipse ad suum monasterium asserit pertinere titulo legationis bone memorie domini Ch. quondam de Altah, qui est humatusibidem, ac vos indebite occupasse,iudices a Sede Apostolica constituti vos nuper citaveramus. Verum quia pro infirmitate vestra dilectioni vestre parcimus, quantum possumus, eundem terminum usque in diem sancti Martini duximus prolongandum, iterum vos peremptorie citantes et districte mandantes, quatinus ipso die coram nobis compareatis in Drist, quod teutonice Tristramschirchen vocatur, super eadem causa finaliter responsuri. Scire etiam debetis, quod predictus abbas a nobis instanter petivit, ut testes, senes, valitudinarios et alios, de quorum morte timet et absentia diuturna, ibidem exigente necessitate et pro ecclesie sue vitando periculo recipiamus. Quod ideo vobis denuntiamus, quia presens esse debetis et copia vobis dabitur inpugnandi et excipiendi contra huiusmodi testimonia. Hic est libellus conventionalis. Ego abbas Sancte Crucis peto coram vobis iudicibus a curia Romana delegatis, scilicet abbate Scotorum in Wienna, preposito Newinburgensi et eiusdern ecclesie decano pro me et conventu meo predium in Pomgarten XIIII mansorum cum aliis eius pertinentiis, sciliet agris, pascuis, piscationibus, que dominus Ch. de Altah bone memorie quondam ecclesie nostre contulit pro salute anime sue et vos, Wernhere de Ouen, contra iustitiam occupastis, nam cum ea aliquanto tempore possedissemus, iniuste fuimus expulsi. F. Dei gratia wenerabili abbati Scotorum in Winna(!) et F. decano de Newinburch Ch. Newinburgensis prepositus fraternam in Christo dilec-