Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

188 1282. november 4. IV. Márton pápa utasítja a váci püspököt, hogy a budai préposttá választott Gellért székesfehérvári kanonokot erősítse meg. Venerabili fratri episcopo Vaciensi. Fűit ab olitn nobis expositum, quod dudum prepositura ecclesie Sancti Petri de Veteri Buda, Vesprimiensis diocesis, vacante per resignationem venerabilis fratris nostri Johannis archiepiscopi, tunc electi Colocensis, dilecti filii, capitulum ipsius ecclesie dilectum filium, magistrum Gerardum, canonicum Albensem in eiusdem ecclesie prepositum concorditer eligentes, a dilectis filiis capitulo Strigoniensi, ad quos huiusmodi electionum confirmatio spectare dicitur sede Strigoniensi vacante, que tunc vacabat, petierunt electionem confirmari predictum, dictis vero capitulo Strigoniensi negotium huiusmodi remittentibus ad venerabilem fratrem nostrum Philippum, episcopum Firmanum, tunc in illis partibus Apostolice Sedis legatum, tandem idem episcopus negotium ipsum ad ipsam Sedem Apostolicam dicitur remisisse sicque nos dilecto filio nostro C. tituli sanctorum Petri et Marcellini presbitero cardinali dictum negotium duximus committendum ac per nostras litteras sub certa forma venerabili fratri nostro Strigoniensi archiepiscopo ac dicto capitulo de Veteri Buda mandavimus inhiberi, ne huiusmodi pendente negotio de prepositura ipsa in dicti electi preiudicium aliquid innovaretur. Tandem quoque cardinalis ipse examinavit predictum negotium diligenter, postmodum autem nos attendentes, quod tu de facto etfacti circumstantiis habere poteris notitiam pleniorem, fraternitati tue per apostolica scripta mandamus, quatenus commissione huiusmodi per nos facta cardinali predicto nequaquam obstante, de premissis et de modo electionis predicte ac studiis eligentium et electi meritis inquirere studeas diligentius veritatem et si inveneris rem ita esse ac dictam electionem de persona ydonea canonice celebratam et canonicum aliquod non obsistat, predictam electionem auctoritate nostra confirmes, faciens dictum magistrum in prepositum dicte ecclesie Sancti Petri, prout est moris, admitti, alioquin prefata electione rite cassata mandes predictis capitulo eiusdem ecclesie Sancti Petri, ut sibi et eidem ecclesie per electionem canonicam de preposito, prout alias ad eos pertinet, providere procurent. Contradictores autem nostra appellatione postposita compescendo. Dátum aquod Montem Flasconem, secundo Nonas Novembris, -anno secundo. ARegistri Vaticani sorozat 41. kötetének 65—66. lapjairól, a vatikáni levéltárból. Codex diplomaticus V.3.135—36. 11. és VII. 5. 456—57. 11. Theiner: Vetera monumenta I. k. 351—52. 11.