Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

Albensis ecclesie capitulum iniuriari novimus, dum nobis suffragantibus ob prepositi eiusdem Albensis ecclesie, aule nostre vicecancellarii, assiduas et frequentes petitiones decimas villarum de Durguchey ad ipsam ecclesiam Albensem devolutarum, noviter non ex antiquo possessarum, occupatas •conantur sue exemptionis in privilégium aggregare et hiis Vesprimiensem ecclesiam, cui iure diocesano conpetunt, defraudare. Attendentes ergo non minus iniuriationibus irretiri culpe maculis iniuriantium defensorem, cum actores et fautores pari pena percellantur, metuentes etiam ex preteritis dispendium futurorum, ut ne filii nostri castigati, ut premisimus, inconsolabiliter iam per obitum et speciali nostro presidio destituti ob tantam Vesprimiensis ecclesie iniuriam ceterosque fragilitatis nostre excessus afflictionis amplioris amaritudine divinitus contundamur, salubri meditatione anime nostre periculo volumus providere nostramque conscientiam debite satisfactionis remedio expurgare, nec de cetero volumus perniciosa dissimulatione salutis nostre in grave dispendium cuiuspiam adulationibus consentire ac in messem falcem submittere alienam, quod cum nobis non licere arbitramur, nichilominus nos ad hoc cooperari ceteris saluti nostre congruum reputamus, omnia premissa Vesprimiensis ecclesie iura, que nisi usurpatione layca et regia potestate nostris tantum sub temporibus novimus occupata, decimas videlicet, quas Budensis ecclesia usurpavit, decimas de Waal, ecclesiam beati Jacobi prope Aquam Calidam et ecclesiam Virginis Gloriose in Monté Budensi, cum capellis ibidem existentibus ac ecclesiam beati Gerardi in Kreynfeld designatas in premissis, decimas etiam de Durguchey unacum plebania Segusdiensi venerabilibus in Christo patribus Pelagio episcopo Albaniensi et Stephano basilice duodecim apostolorum presbitero cardinalibus inter Strigoniensem archiepiscopum et Vesprimiensem episcopum auditoribus per Sedem Apostolicam deputatis ordinantibus, inspectis eorundem venerabilium patrum litteris Vesprimiensi ecclesie subiectam novimus pleno iure, eidem Vesprimiensi ecclesie reddidimus, restituimus et subiecimus suo iure perpetuo possidenda ac in manus patris prenotati Pauli episcopi duximus assignanda, liberalitate regia promittentes, quod in quantum nostre congruit maiestati in plena premissorum assecutione ecclesie beati Michaelis, cuius fulciri presidio optamus in extremis, non reddemur contrarii, sed diligentissimi promotores et efficacissimi adiutores. Hoc solum interiecto, quod si omnia vei aliqua premissorum dato condigno vei maiöri concambio ex redditibus regalibus de beneplacito episcopi totiusque capituli Vesprimiensis ecclesie ac ex permissione Apostolice Sedis obtinere