Szentpétery Imre: Az Árpád-házi királyok okleveleinek kritikai jegyzéke. Regesta regum stirpis Arpadianae critico diplomatica. I. kötet 2 füzet. (Budapest, 1927.)

famulantes munere suo prosequitur et gratia ampliori, ut ex hoc alii ad fidelitatis opera fortius accendantur, dum de impensis digna remuneratio exibetur. Proinde ad universorum notitiam volumus pervenire, quod accedens ad nostram presentiam fidelis iuvenis noster Edeuch filius comitis Petri a nobis humiliter postulavit, ut terram Been nomine existentem in comitatu Nitriensi, quam antea Dionisio fratri suo contuleramus, et eo habitum fratrum minorum assumente, quantum in ipso erat, ipsi Edeuch reliquit, et nos similiter eidem contulimus, nostro dignaremur privilegio confirmare. Nos igitur ipsius servitia, que tempore Tartarorum nobis circa maritima commorantibus et postmodum in expugnatione castrorum in Austria, Stiria et Morauia seu alias nobis in fervore fidelitatis exhibuit, per que remuneratione ampliori fuerat attollendus, ad animum revocantes, predictam terram Been cum silvis et fenetis sibi et liberis suis ac descendentibus ab eisdem auctoritate presentium confirmamus. Cuius quidem mete, prout per litteras Nitriensis capituli nobis constitit, hoc ordine distinguntur. Incipit enim prima meta iuxta fluvium Wag, ubi quedam palus Boguna nominata cadit in ipsum flumen Wag, et per médium eiusdem paludis tendens superius versus septemtrionem venit ad arborem populeam, et ibi exit in terram et sunt due mete de terra erecte sub ipsa arbore. Inde procedens versus occidentem venit ad viam publicam et iuxta viam sunt due mete erecte de terra, et transiens viam vádit in campo per metas ad quoddam nemus et iuxta illud nemus est una meta terrea et transiens illud nemus venit ad flumen Dudwag vocatum, et per illud flumen tendens superius venit usque magnam viam et ibi exit de fluvio Dudwag ad magnam viam et per eandem viam in nemore exit ad pratum, et ibi est meta iuxta nemus. Hinc declinans iuxta idem nemus tendit versus septemtrionem per metas singulas usque metas terre ville Beseneu nominate. Hinc tendit ad pratum et per pratum procedens per singulas metas venit usque ad magnam viam, que ducit ad villám Sancti Viti. Hinc tendens per ipsam viam venit ad quandam ulmum sitam in extremitate eiusdem vie, inde declinans ab ulmo et a via versus orientem vádit per quandam viam in prato per metas binas usque metas terre ville Medeuch et ibi sunt tres mete terree. Hinc procedens in prato per metas binas cadit in viam, ibi transiens viam venit ad paludem Choncu vocatam et transiens paludem vádit ad aliam paludem Wasna nomine per binas metas et trinas et transiens illám paludem vádit per metas singulas usque flumen Wag et per fluvium Wag descendens venit ad priorem metam, ubi predicta palus Boguna cadit in Wag ibique omnino terminatur. Ut igitur huius collationis series robur perpetue firmitatis optineat, nec possit per quempiam revocari, presentes litteras concessimus duplicis sigilli nostri munimine roboratas. Dátum per manus dilecti et fidelis nostri magistri Smaragdi prepositi Albensis, aule nostre vicecancellarii, anno Domini millesimo ducentesimo quinquagesimo quarto, tertiodecimo Kalendas Decembris, regni autem nostri anno vicesimo.