Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)
CXVII. 1490. augusztus 30. Bsatrix királyné rendelete Budáról, Kassa városához, melyben az időközben szabadon bocsátott György diák harminczadszedő elkobzott javait visszaadatni rendeli. Kassa város levéltára, 638. sz. Beatrix dei gratia regina Hungáriáé, Bohemiae etc. duxque Austriae. Prudentibus et circumspectis viris, iudici et iuratis, caeterisque civibus, consulibus et senioribus in civitate nostra Cassoviensi constitutis et commorantibus, fìdelibus nostris, nobis sincere dilectis salutem et gratiam. Quamvis fìdelitatibus vestris per alias nostras litteras,--vobis directas, recolimus mandavisse ac commisisse, ut egregium Georgium litteratum tricesimatorem capi, resque suas quaslibet ac bona sua mobilia videlicet et immobilia vestri in medio habitas et existentia pro nostra maiestate detineri et occuparifacere debuissetis. Quae quidem mandata et commissa nostra huiusmodi vos complevisse non dubitamus. Sed quia ad supplicationem nonnullorum nostrorum fidelium nobis parte sua porrectam inclinatae, eundem de ipsa captivitate dimisimus et liberavimus et sibi gratiam fecimus, sumusque gratiosae. Ideoque tenore praesentium vestris fìdelitatibus praetactis fìrmiter praecipientes committimus et mandamus, aliud omnino nolentes habere, quatenus mox et in continenti receptis praesentibus et non obstante nullius contradictionis, res suas praedictas et bona quaeque modo praemisso per vos occupatas et detenta, memorato Georgio litterato vel homini suo, praesentium videlicet ostensori, reddi, remmittique et restituifacere indemniter velitis et debeatis. Neque, si nostram gratiam caram habetis et indignationem evitare cupitis, contrarium facere audeatis, nec ausi sitis quoquomodo in praemissis ; praesentibus perlectis tandem exhibenti restitutis. Datum Budae,die tricesimo mensis Augusti, anno domini millessimo quadringentesimo nonagesimo. Regina Beatrix m. p. Ad relationem Io(annis) de Peren.
