Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)
instantia pendei indecisa, praedictum praetensum matrimonium nullum fuisse et esse, nullumque declarandum ac nullum declaramus, ipsumque quatenus de facto contractum revocandum, cassandum et annullandum fore ac cassamus et annullamus, molestationesque, perturbationes et impedimenta per dictam Beatricem eidem Wladislao regi in et super dicto praetenso foedere matrimonii praetensi praestitas, illatas et factas, praestitaque, illata et facta fuisse et esse illicitas, indebitas et iniustas, illicitaque, indebita et iniusta, ac de facto praesumptas et praesumpta, illasque et illa eidem Beatrici fecisse et facere minime licuisse, neque licere de iure, praefatumque Wladislaum regem a praemissis omnibus et singulis inhibitionibusque etiam a nobis quovismodo emanatis lìberandum et absolvendum fore ac liberamus et absolvimus, dictaeque Beatrici in et super dicto praetenso matrimonio, molestationibusque, perturbationibus et impedimentis praedictis perpetuum silentium imponendum fore et imponimus, praefatamque Beatricem in expensis in huiusmodi causa, tam coram cardinalibus et episcopo, iudicibus commissariis et relatoribus praedictis, quam coram nobis successive pro parte dicti Wladislai regis legittime factis condepnandum fore et condempnamus ; quarum expensarum taxationem imposterum reservamus. Hanc autem sententiam praelibatus sanctissimus dominus noster papa Alexander manibus propriis signavit sub his verbis : Ita pronuntiamus. Qua sententia sic lata, lecta et promulgata, praefati domini ac magistri Philippus, Bernhardinus et Baltazar procuratores antedictam sententiam ratam et gratam habuerunt et eidem sanctissimo domino nostro gratias egerunt de bona in causa huiusmodi partibus ministrata iustitia. In quorum omnium et singulorum fìdem et testimonium praemissorum praesentes litteras sive praesens publicum instrumentum per insertam sententiam diffinitivam in se continentem sive continens exinde fieri et per notarios publicos, nostrosque et huiusmodi causae coram nobis scribas infrascriptos subscribi et publicari mandavimus, sigillorumque nostrorum iussimus et fecimus appensione communiri. Lata per praelibatum sanctissimum dominum nostrum Aragoniai Beatrix. 2b
