Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)

CIV. 1490. április 24. Beatrix királyné és Corvin János, mint országkormányzók, Budáról kelt rendeletben Kassa várost intik, hogy a fennálló kiváltságokat tisztelje és a jogtalan adószedéstől tartózkodjék. Kassa város titkos levéltárában, Telonium F. Nr. 102. Beatrix dei gratia regina Hungáriáé ac Johannes Corvinus dux Oppaviae et Lipthoviae etc. necnon praelati ac barones regni praedicti cum eisdem constituti, fìdelibus ac fratribus et amicis nostris universis et singulis dominis, nobilibus ac alterius cuiusvis status et conditionis hominibus, ubivis in praedicto regno Hungáriáé tributa habentibus, tenentibus seu exigentibus, salutem, gratiamque et favorem. Causantur prudentes et circumspecti iudex ac iurati caeterique cives civitatis Cassoviensis, qualiter nonnulli essent ex vobis, qui continuo audita morte serenissimi et gratiosissimi domini nostri regis, super eosdem contra antiquas ipsorum libertates et privilegia in locis tributorum suorum tributa exigere et eosdem ad solutionem per omnem iniuriam cogere coepissent. Scitis autem et unusquisque considerare potest, quod si regia maiestas mortua est, non simul etiam iura et libertates regnicolarum cum eadem interiere. Quare requirendas duximus fìdelitates ac amicitias vestras et requirimus, mandantes nichilominus eisdem per praesentes, ut considerata regni libertate, quae in omnium rerum statu fovenda est et tuenda,velitis praefatis civibus antiquas ipsorum libertates in dictis tributis vestris illibate observare, eosdemque in eisdem impediri et perturbari per vos aut per vestros non faciatis. Aliud non facturi, praesentesque perlectas ubique reddatis presentanti. Datum Budae, in festo beati Georgii martyris, anno domini millesimo quadringentesimo nonagesimo.