Tasnádi Nagy Gyula: Anjoukori okmánytár. Codex diplomaticus Hungaricus Andegavensis. VII. (1358. jan. 1.–1359. márcz. 31.) (Budapest, 1920.)

121. Visegrád, 1358. máj. 27. Szécsi Miklós országbíró a magtalanúl elhalt Jánoki Miklós alsójánoki birtokának vitás határai miatt egyfelől Erzsébet királyné, másfelől a szomszédos egyházasmagyari nemesek közt folyt per végével a pozsonyi káptalan által teljesített határjárásról s ennek alapján a felek birtokba iktatásáról oklevelet ad ki. Nos comes Nicolaus de Zeech iudex curie serenissimi principis domini Lodovici dei gratia inelyti regis Hungarie, comitatusque de Turuch tenens honorem, memorie commendantes significamus tenore presentium quibus expedit universis, quod magister Demetrius conservator sigilli anularis dicti domini nostri regis ac Jakus iudex civitatis Posoniensis pro domina nostra regina cum procuratoriis literas eiusdem, iuxta continentiam literarum capituli ecclesie Posoniensis evocatoriarum simul et reambulatoriarum, in octavis festi beati Martini confessoris in anno proxime elapso preteritis ad nostram iudiciariam veniendo presentiam, contra Petrum filium Andree, Mathiam filium Johannis filii Farkasii et Johannem filium Emerici de Eghazasmagary, in figura nostri iudicii quasdam literas ipsius capituli Posoniensis domino nostro regi rescriptionales, asserentes actionem et propositionem eiusdem domine nostre regine in eisdem contineri, nostro iudiciario examini presentarant, in quibus manifeste reperiebatur: quod predictus dominus noster rex predicto capitulo Posoniensi precipiendo mandasset, quatenus ipsorum mitterent hominem pro testimonio fide dignum, quo presente magister Johannes dictus Nemeth castellanus de Zeged, homo suus regius, universas possessiones quolibet nomine vocitatas, in quibuslibet comitatibus existentes, ac vineas et domos, necnon alias hereditates quondam Nicolai filii Dominici de Januk, hominis sine herede decedentis, recapere et serenissime principisse domine Elisabeth regine, genitrici sue karissime statuere deberet consuetudine regni sui requirente, si non fieret per quempiam contradictum ; contradictores vero si qui apparerent, tunc committeret illis terminum, ut coram eodem domino nostro rege cum eorum 1357. nov. 18.