Kammerer Ernő–Döry Ferencz: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. XI. (Budapest, 1915.)
Amicis suis reverendis conventui ecclesie beati regis Stephani de Zenthiog comes Ladislaus de Palocz iudex curie serenissimi principis domini Mathie, Dei gracia Hungarie, Bohemie regis etc. amiciciam cum honore. Dicitur nobis in persona egregii Nicolai de Zakol, quomodo circa festum beati Michaelis archangeli proxime preteritum nobilis Symon, filius condam Barnabe de Palagh, castellanus castelli Ibran nuncupati, missis et destinatis quibusdam Dyonisio, Demetrio, Clemente, Martino et Fabiano ad domum cuiusdam Blasii sartoris, iudicis ipsius exponentis in possessione Ibran electi, in comitatu de Zabolcz existenti habitam, ubi ipsum Blasium. iudicem omni sua sine culpa interemi facere voluisset, si se füge presidio quodammodo defendere non valuisset. Iis minimé contentus, de domo eiusdem Blasii, iudicis ipsius exponentis unum vas vini extrahi fecisset, et quo sue placuisset voluntati, fecisset. Ceterum circa festum beati Martini episcopi et confessoris proxime preteritum, similiter missis et destinatis quibusdam tribus familiaribus suis ad quemdam Ladislaum Fwtas dictum, iobagionem ipsius exponentis, ipsum in possessione Ibran predicta ante dictum castellum repertum omni sua sine culpa adeo vulnerari et verberari fecisset, ut eundem ibidem semivivum reliquissent. Insuper idem Symon de Palagh his premissis minimé contentus, missis et destinatis quibusdam familiaribus suis ad porcionem possessionariam ipsius exponentis in dicta possessione Ibran in dicto comitatu de Zabolch existente habitam, ibique quemdam Dyonisium Kallya, iobagionem ipsius exponentis dire et acriter verberari fecisset, et tandem captivari, ac tamdiu in captivitate sua teneri, quousque sue placuisset voluntati. Insuper cum alias quidam Johannes filius Clementis, iobagio ipsius exponentis absque licencia et iusto terragio non deposito de porcione possessionaria ipsius exponentis in ipsa possessione Ibran liabita salisset, et iudex illius possessionis res et bona ipsius arestasset et tandem in domo sua locasset et deponisset, tunc predictus Symon de Palagh, missis et destinatis familiaribus suis ad domum ipsius iudicis, ubi scilicet dicte res illius salientis iobagionis locate extitissent, easdem abinde per dictos familiares suos deportari, et quo sue placuisset voluntati fecisset. Postremo quasdam piscinas ipsius exponentis, intra metas dicte possessionis Ibran habitas, absque voluntate ipsius exponentis piscari fecisset, pisces 4* 1470. Sárospatak, márcz. 30. 1469. szept. végén, 1469. llOV. 11 körül.
