Kammerer Ernő: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. IX. (Budapest, 1899.)

280. 1453. máj. 21. A leleszi convent előtt Rakamazi Fóris özvegye férje rokonait hozománya és hitbére iránt nyugtatja. Nos Blasius prepositus et conventus ecclesie sancte crucis de Lelez memorie commendamus, quod nobilis domina Elena vocata, relicta condam Forys filii Blasii de Rakomaz, filia videlicet olim Demetri dicti Besenyew de Deregnyew coram nobis personaliter constituta, per eandem viva voce spontaneaque sua voluntate confessum extitit nostri in presencia pariter et relatum, quod quia Michael et Anthonius filii Pauli de predicta Rakomaz sibi super dote et rebus suis parafernalibus, eedem de porcionibus et juribus possessionariis dicti condam Eorys domini et mariti sui in possessionibus Rakomaz predicta, ac Bewd, Myske, Zakol, Adon, Mylialy et Radwan vocatis, in comitatu de Zabolch existentibus habitis, in ipsos Michaelem et Anthonium devolutis et redactis, iure nature et de huius regni Hungarie ritu et consvetudine provenire debentibus, aliis eciam quibuscunque rebus et bonis, argenteariis scilicet et aliis quibusvis clenodiis et utensilibus domui quoquomodo vocitatis et apellatis, in ipsam ab eodem condam Eorys marito suo devolutis et redactis, congruam, plenam ac omnimodam satisfactionem impendissent. Ideo ipsa prefatos Michaelem et Anthonium filios Pauli de Rakomaz super premissis dote et rebus paraffernalibus, aliis eciam quibuscumque rebus et bonis suis quoquomodo denominatis reddidisset et commisisset, immo coram nobis reddidit et commisit quittos et expeditos, ac prorsus et per omnia absolutos atque satisfactos, vigore presencium mediante. Dátum feria secunda proxima post festum Penthecostes, anno domini millesimo quadringentesimo quinquagesimo tercio. Papiron, hátlapján pecsét nyomaival. 218. 94.