Nagy Imre: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. VI. (Budapest, 1894.)
bis expectatus, nostram in presenciam non venerat neque miserat nec persolverat iudicia prenotata, se pro sua non veniencia in iudicio consveto, et pro non solucione dictorum iudiciorum in duplo eorum serie literarum nostrarum iuclicialium exinde confectarum aggravari permittendo; et quia prefatus Sigismundus adhuc ad premissa proclamandus fore videbatur, pro eo cum nos memoratum Sigismundum dicta literalia sua instrumenta exhibiturum ac de iudiciis sex marcarum nobis, et triginta quinque marcarum parti adverse satisfacturum, contra memoratum Emericum per nostrum et sepefati conventus homines ad octavas festi Nativitatis beate virginis tunc venturas in tribus foris comprovincialibus nostram in presenciam legitime fecissemus proclamari, interimque ipse Sigismundus decessisset, causaque prenotata in Benedictum filium ipsius Sigismundi fuisset condescensa, eadem quoque instrumentális exhibicio octavis ab eisdem de termino in terminum currendo, ad presentes octavas festi beati Michaelis archangeli deducta fuisset. Tandem ipsis octavis instantibus, prefato Emerico actore ab una, item nobili domina Katherina vocata matre prescripti Sigismundi filii Alexii, antedictum Benedictum filium ipsius Sigismundi nepotem suum, puerum tredecim annorum ut (animo) metiri poterat penes se statuente, in figura nostri iudicii comparentibus, et prefata domina literas et iura annotati Benedicti nepotis sui, per que eundem ab accione ipsius Emerici defendere et absolvere posse sperasset producente, licet huiusmodi productis literis et iuribus sane perlectis et intellectis, ex seriebus et continenciis earumdem nonnulle possessiones ipsius condam Jacobi filii Pasca iuri femineo pertinentes existere reperte fuerint, et ea racione iura eiusdem Emerici que ipsum in talibus possessionibus contigissent possessionaria dacione mediante, de aliis vero possessionibus pecuniaria solucione mediante eidem extradari et persolvi facere voluissemus, tamen tandem tam ipse Emericus se et alios fratres suos, quam eciam annotata domina Katherina similiter se annotatumque Benedictum et alios suos nepotes, filios scilicet dicti Sigismundi, ad pacis (re)conciliacionem in premissis faciendam per vos transmitti postularamus nos (eosdem) ad habendam ipsam pacem admisissemus; postmodum antelatus Emericus (item) Bartholomeus et Ladislaus filii prefati Ladislai filii Fanch bani pro se personaliter, onus Ste-
