Nagy Imre: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. VI. (Budapest, 1894.)
prescriptarum possessionum et pertinenciarum dicti castri sic ut prefertur ipsis statutam simpliciter reliquissent et divisissent, celsitudini nostre exponi faciendo, huiusmodi literas a nostra serenitate obtinuerunt emanari, ut ipsi iuxta seriem et contenta predictarum literarum adiudicatoriarum in dominium medietatis tam dicti castri quam eciam possessionum et pertinenciarum eiusdem rursus et denuo restitui deberent et reintroduci, nihilominus tamen prefato Andrea sacerdote ab huiusmodi adiudicacione et sentencia et eius generalibus (így) in vini appellacionis iuxta regni nostri consvetudinem nostram personalem in presenciam provocante et tandem utrisque partibus pro fienda pace et concordia in huiusmodi causa in certos arbitrorum compromittentibus et eisdem nec per huiusmodi compromissum seu arbitrativam composicionem concordare et componi volentibus, huiusmodi causa rursus et iterum in curiam nostram regiam iudicum et iusticiariorum dicti regni nostri Hungarie in presenciam devoluta et execucioni fuisset demandata; quo viso prefato Michaele fratre dicti domini Andree sacerdotis carnali in huiusmodi causa secundum predicti regni nostri Hungarie consvetudinem se denuo intromittendo et super hoc ne premissa sentencia execucioni demandaretur prelatis baronibus dicti regni nostri racionibus allegando allegatis supplicante, eisdemque prelatis et baronibus nostris consideratis huiusmodi supplicacione et peticione iuriconsonis premisse sentencie execucionem suspendendo, preallegatus Michael a nostra celsitudine vigore certarum literarum nostrarum superinde confectarum meruisset obtinere, ut predictam causam nullus omnino iudicum et iusticiariorum predicti regni nostri quovis officio dignitate vei preeminencie auctoritate fungantur, preterquam sola nostra personalis maiestas deberet finaliter iudicare, sicque causa huiusmodi hactenus in huiusmodi statu absque finali conclusione permansisset; supplicans exinde prefatus dominus Petrus prepositus .... nostre maiestatis humiliter et devote quatenus huiusmodi causam personali conclusione et adiudicacione vestri inpresenciam transmittere dignaremur. Et quia nos aliis arduis agendis in facto et negocio .... sancte matris et universalis ecclesie agitando quamplurimum preoccupati premissorum discussioni ad presens attendere nequeuntes, causam premissam simulcum (omnbus suis incidenciis et pendenciis emergentibus) annexis et