Nagy Imre–Nagy Iván–Véghely Dezső: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. III. (Pest, 1874.)

decim sessiones Jobagionum populosas necnon triginta duas vineas cum média, de quarum prouentibus et fructibus, dominus eiusdem possessionis, singulis annis, ad omnem euentum, iuxta antiquam consuetudinem et libertatem eiusdem ville Tothfalu vocate quindecim Tunellas vini habere consueuissent, Nichilominus de quorumlibet fundo sexaginta denarios et tria munera bona Jobagiones ibi commorantes, domino eiusdem, terre soluere tenerentur, Hys itaque habitis, octauo die dictarum quindenarum predicti festi beati Martini confessoris, ad faciem cuiusdam possessionis, magistri Pauli fily Pauli condam Bani Garab vocate, per adduccionem annotati procuratoris sepedicti magistri Ladislai fily Teteus accessissent, et dum ipsam, iuxta nostram Judiciariam commissionem, habita prius legitima conuocacione vniuersorum vicinorum et commetaneorum suorum, predicto magistro Ladislao statuere voluisset, memoratus magister Paulus filius Pauli condam Bani, ipsis nostro et ipsius Capituli Quinqueecclesiensis hominibus, ac eidem procuratori iamdicti magistri Ladislai nuncciasset, vt si ipsi in dicta possessione Garab vlterius residerent et de ipsa recedere nollent, extunc nullus eorum viuens et sanus posset euadere, nisi ille quem sanum et viuum ipse abire permitteret, Crastino autem die octaui diei quindenarum festi beati Martini confessoris predictarum, rigore dicte nostre adiudicacionis obseruato, Iterum ad statucionem dicte possessionis Garab accessissent, vbi Nicolaus filius Bodor officialis de dicta Garab, ipsis nostro et predicti Capituli hominibus verbo ladislai fily dicti Pauli fily condam Pauli Bani minas et terrores incuciendo, eosdem expulisset de possessione Garab prenotata, Occupacionem eciam possessionum pro factis Judiciorum et grauaminibus, iuxta nostram Judiciariam commissionem faciendam, predictus magister Paulus fíeri non permisisset, Quibusquidem litteris exhibitis, ac partibus suomodo expositis, Cum nos inter easdem partes in premissis Judicium et iusticiam facere voluissemus, mox eedem partes, se in premissis, ad pacis reformacionem, per nos admitti instanter postularant, quas, dum nos ad ipsius pacis vnionem, ad misissemus, Demum eedem partes ad nostram regresse presenciam, per ordinacionem proborum et nobilium virorum pacis zelatorum se intalem pacis et concordie vnionem deuenisse nobis vniformiter recitarant, sub hac forma, quod ipse magister Paulus filius condam Pauli Bani, pro ipsa medietate iamdicte possessionis Tothfalu vocate per ipsum Nicolaum filium Gyula