Mathiae Corvini Hungariae regis epistolae ad Romanos pontifices datae et ab eis acceptae. Mátyás király levelezése a római pápákkal. 1458–1490. (Budapest, 1891. Mon. Vat. Hun. I/6.)

s III. I4JS. 16. Maii. Calixtus III. Mathice regi. (Tab. Vatic., arm. XXXIX. t. VII. fol. 175Í. A. Theiner, Mon. Hist. Hungarioc, t. II. pag. 31J.) Mathie regi Hungarie. Calistus etc. Carissime in Christo fili, salutem etc. Cum inenarrabile gaudium nostrum susceptum ex felici et admiranda electione tua ad illud inclitum regnum nos post duplicatas iam nuper ad tuam serenitatem gratulationis nostre de electione tua missas litteras ad scribendum etiam impelleret, iamque scripsissemus, ipseque tabellarius in procinctu proficiscendi esset, allate fuerunt ad nos tue suavissime et exoptatissime littere, que tanta consolatione et recreatione affecere cor nostrum, ut mirum in modum ex longis angustiis recreati fuimus, ita ut coníiteamur post assumptionem nostram ad apicem apostolatus gratius aut acceptius nihil perlegisse. Vidimus enim, et quasi presenti fide palpavimus, tuam serenitatem talem gerere in hoc divino opere exequendo, qualem nos maximé exoptavimus, animum, et qualem te gerere decet, qui ex eo parente digna progenies existis, qui ad id solum natus fuisse videri potest, ut firmum quoddam presidium et propugnaculum fidei Christiane esset, et cuius eterna extabunt in religione Dei et fortitudinis et prudentie munimenta. Nunc, carissime íili, quoniam quod potissimum tue excellentie facere decebat, ut pro exaltatione domus tue ex summis, ut seribis, angustiis (ad) regia fastigia facta, Deo omnipotenti te gratum reddere studeres, illiusque negotia contra immanem et perfidum Turchum potenter susciperes, te facere et intelligimus et videmus, non putamus necessarium maioribus tecum agere adhortationibus, cum ex tuis litteris non hortatum, sed propemodum divino ardore, ut semper confisi fuimus, te ad hoc inflammatum videamus. Fuitque nobis admodum gratum, quod dilectus filius noster, Joannes cardinalis sancti Angeli, legátus noster et sedis apostolice, curam harum rerum ita flagranti animo habuerit et habeat, facit(que), quod suo maximé officio et honori convenit, et quod nobis scit ante omnia cordi esse. Quod vero tu eundem legatum tanto honore et reverentia prosequeris, summe nobis acceptum est; scimus eum pro viribus ad omnem tuum et tui status honorem, pacem et aug-