Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

ac aliis sententiis et penis in ipsis processibus contentis non obstantibus, in eisdem et quibusdam aliis ecclesiis divina officia celebrari et ecclesiastica sacramenta ministrari fecisset, et mandasset, eosdem processus vili— pendendo ac ipsas penas et sententias in eisdem processibus contentis similiter damnabiliter incurrendo, predictus Turibius, Episcopus, etiam de speciali mandato nostro, sibi super hoc facto, eundem Eberhardum, Episcopum, cum suis complicibus, ac Nicolaum de Maracz et Johannem Radozlay ac Johannem de Sems predictos prefatas sententias et penas in dictis processibus contentas damnabiliter incurrisse, et predictas et quasdam alias ecclesias tunc expressas ecclesiastico interdicto suppositas declaravit, eosque huiusmodi excommunicationis, suspensionis et interdicti sententias incurrisse mandavit et fecit publice denunciari, et quamvis etiam huiusmodi processus postmodum aggravati et reaggravati extitissent, et etiam huiusmodi declarationes, denuntiationes, aggravationes et reaggravationes similiter ad indubitatam eorum notitiam pervenissent, tamen Eberhardus Episcopus et Nicolaus Maracz, Johannes Radozlay et Johannes de Sems et complices huiusmodi eisdem sententiis ligati, prefatis processibus vilipensis, divina officia celebrare seu verius profanare et illis se immiscere, idemque Eberhardus ordines ecclesiasticos ministrare et alia pontificalia exercere seu ministrare et exercitia mandare non sunt veriti, in animarum suarum periculum, Apostolice Sedis contemptum et scandalum plurimorum. Cum autem, ... ad ipsius Nicolai notitiam pervenerit, quod Eberhardus Episcopus, Nicolaus de Maracz et Johannes Radozlay ac Johannes de Sems et complices huiusmodi ad cor reversi de premissis ab intimis doleant, ac cupiant ad ecclesie redire veritatem, et eidem Nicolao dictos canonicatum et prebendam et archidiaconatum dimittere et de predictis perceptis fructibus et expensis satisfacere, sitque eis et aliis, quos huiusmodi negotium concernit, valde difficile ad Sedem Apostolicam pro absolutione recursum habere, pro parte ipsius Nicolai nobis fűit humiliter supplicatum, ut super hoc providere de benignitate apostolica dignaremur. Nos igitur . . . Discretioni vestre . . . mandamus, quatenus, postquam tibi constiterit, quod dicto Nicolao Johannis prefati canonicatus et prebenda ac archidiaconatus omnino dimissi et de huiusmodi fructibus et expensis plenarie satisfactum fuerint et ipse Nicolaus Johannis ad id sponte et libere consenserit, eosdem Eberhardum, Nicolaum de Maracz, Johannem Radozlai ac Johannem de Sems et complices ac omnes et singulos alias, tam ecclesiasticas, quam seculares, utriusque sexus personas, ac mortuos, qui fuissent sepulti, tempore interdicti, si