Bullae Bonicacii IX. P. M. IX. Bonifác pápa bullái. 1389–1396. (Budapest, 1889. Mon. Vat. Hun. I/3.)

VIII. 1389. 12. Novembris. Cardinali Valentino, Episcopo Quinqueecclesiensi, Canonicatus et beneficia conferendi facultatem concedit. (Anni I. Liber VIII. 209. — Koller : História Episcopatus Quinqueecclesiensis III. p. 199.) Bonifacius Episcopus servus servorum Dei. Dilecto filio Valentino tituli sancte Sabine Presbytero Cardinali salutem et apostolicam benedictionem. Personam tuam nobis et Apostolice Sedi devotam, tuis exigentibus meritis, paterna benevolentia prosequentes, tibi illám gratiam libenter impendimus, per quam te possis aliis reddere gratiosum. Tuis itaque supplicationibus inclinati, Circumspection tue, qui Ecclesiam Quinqueecclesiensem, ex concessione et dispositione Sedis Apostolice, obtines in commendam, conferendi hac vice dumtaxat, auctoritate apostolica, in maiori Quinqueecclesiensi et in singulis aliis collegiatis civitatis et diocesis Quinqueecclesiensis ecclesiis, duos canonicatus, singulos videlicet ipsorum singulis personis idoneis, quas ad hoc duxeris eligendas, cum plenitudine iuris canonici, et de illis etiam providendi ac faciendi singulas personas ipsas, vei ipsarum procuratores, earum nominibus, in ecclesiis predictis in canonicos recipi et in fratres, stallo eis in choro et loco in capitulo cuiuslibet ipsarum ecclesiarum, cum dicti iuris plenitudine, assignatis; necnon reservandi in singulis ecclesiis predictis pro eisdem duas prebendas ac etiam pro eisdem, vei aliis personis idoneis similiter, per te ad hoc eligendis duas dignitates, etiamsi altéra earum in maiori post pontificalém maior, et in singulis collegiatis ecclesiis huiusmodi principális fuerit, et ad eas consveverint qui per electionem assumi, si que tempore reservationis huiusmodi vacabunt, vei cum simul aut successive vacaverint, quas dicte persone per se, vei procuratores suos, ad hoc legitime constitutos, infra unius mensis spatium, postquam eis vei procuratoribus huiusmodi de vacatione ipsarum constiterit, duxerint acceptandas conferendi, singulas videlicet prebendarum et dignitatum huiusmodi, cum omnibus iuribus et pertinentiis suis, singulis personis eisdem, etiamsi quelibet ipsarum personarum unum, vei duo, aut tria aliud vei alia beneficium seu beneficia ecclesiasticum, vei ecclesiastica obtineat; inhibendi quoque districtius Episcopo Quinqueecclesiensi, qui pro tempore fuerit, et dilectis filiis Capitulis