Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

228 IjOy. 8. JAN.-j. JUL. proposita per ipsum, super qua testes examinati sunt supradicti; petens, super probationibus factis interloqui, ut postulat ordo iuris. Salvis sibi, nomine quo supra, omnibus suis exceptionibus et iuribus, ac etiam terminis statutis in causa pro utraque parte hinc inde, in suo robore nichilominus duraturis. (Pro decanis.) Item eodem die et in eodem iudicio Vagnolus procurator predictus produxit et exhibuit contra litteras proxime annotatas, productas per dominum magistrum Philippum, exceptiones infrascriptas, quarum tenor talis est: (Exceptiones.) Coram Vobis, reverendo viro domino Philippo &c. excipiendo propono ego Vagnolus procurator substitutus a domino Bertoldo procuratore septem capitulorum Transsilvanensis diocesis et aliorum, in sua procuratione contentorum, contra litteras productas per magistrum Philippum procuratorem substitutum a domino Sancto procuratore capituli Transsilvani, ad reprobationem litterarum communitatis de Cibinio: In primis, quod littera domini episcopi Cenadiensis non derogat fidei litterarum dicte communitatis eo, quod in littera dicti domini episcopi non continetur, nisi quod non intellexit per famam vei alium modum, nisi quod quilibet potest venire secure per districtum dicti woyvade. Unde non sequitur, quod licet non intellexerit id, quod in dictis litteris communitatis continetur, ergo non est. Et preterea, si quid in littera dicti domini episcopi assertione continetur, illud est de auditu, et non de scientia, quod nichil facit ad rem. Item quod in littera episcopi Varadiensis non est derogatoria fidei dictarum litterarum communitatis, et sibi fides adhibenda non est, quia salva pace sua, contrarium eius, quod in dicta littera continetur, testificatus est personaliter, ut patet in actis curie vestre, et preterea nichil continetur ibi de causa scientie super eo, quod in dicta littera continetur. Item quod littera prepositi sancti Stephani Varadiensis non derogat fidei dictarum litterarum communitatis, tum quia non continetur ibi de causa scientie, tum quia expressum mandatum ibi continetur, cum ibi dicatur, dictum dominum woyvodam ad quindenam sancti Martini confessoris semper fecisse publice proclamari securitatem omnibus transeuntibus per tenutam suam, tum quia non continetur ibi, quo tempore facta fűit concessio clericis de decanatibus Transsilvanis; et sic non est contraria dicta sua littera dictis litteris communitatis, cum potuerit utraque littera