Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

TIT »; Mag. ALBERTINUS DE TRIBUS CASALIBUS «civis Parmensis». Scribae (notarii) porro legationis, quorum nomina novimus, hi erant: PHILIPPUS COMPAGNONI DE CINGULO nótárius GENTILIS, a legato ex curia Romana probabiliter adscitus; ille idem, cuius de actis legationis commentarius, nobis unus in promptu est. Praeter hunc scribae: ANGELUS THEOBALDI DE SANCTA VICTORIA «actorum nótárius», JOANNES dein DE MEVANIA, MATTHAEUS DE ROCCA, qui passim et causidicos agebant; eodem gradu occurrit BARTHOLOMAEUS PETRI DE PIGNARIO. Praeter hos plura offendimus nomina eorum, qui curiae cardinalis addicti, generáli quadam «capellani, domicelli, familiaris» appellatione comprehenduntur. Pauci admodum eorum certo officii gradu distinguuntur. Sic e. gr. ROGERUS DE MONTEFLORUM, GENTILI certe non nomine tantum sed etiam sanguine iunctus, comes palatínus; magister THOMASIUS «marescalcus,» FRIDERICUS DE BONONIA medicus familiaris; DIONYSIUS dein ex S. Francisci asseclis, GENTILI a confessionibus, quem iam supra laudavimus. Reliqui hi fere sunt: JACOBUS DE SANCTO GENESIO magister cubiculi; fráter PETRUS DE LANA DE BONONIA e familia Franciscana; fráter FRANCISCUS DE COLUMBA 1 ex Ord. Cisterci, Lucius (Zucius ?) DE COLLAZONE, JOANNES DE FIRMO, ambo mystae domestici; NÁRDUS MARCHIO DE AQUASPARTA ; Mag. LELLIUS DE MEVANIA, PHILIPPUCIUS DE CINGULO domicelli (ephebi); BERALDUTIUS DE FIRMO, PHILIPPUCIUS DE TARENTINO, ANDREAS natus Marci Michaelis comitis ARBENSIS, JACOBUS DE ZAGRABIA, JACOBUS DE VERCELLIS, GUIDUTIUS DE FLORENTIA, GRATIOLUS DE LUCA, JOANNES speciarius DE BONONIA, CICCO DE FLORENTIA, SIMEON DE TUDERTO, CICCO DE ASISIO, GALTERUTIO DE MONTICULO. Omnes hi ex aula, atque uti nomina produnt stirpis nobilioris, legatique commensales (convivae). Supra meminimus, GENTILEM, íilium Pauli e comitibus Brebiriensibus, Georgium ephebis suis accensuisse, («in domicellum, familiarem et commensalem»). Plurimi horum nobilium fortasse maioris tantum aulici splendoris gratia et ad obsequia ipsi cardinali praestanda cooptabantur; plures tamen etiam in negotio restaurandi regni vastissimo, gnaviter suam navarunt operám, uti de quibusdam certo constat. Juvabit praeterea famulitii quoque partém nomine notam ad calcem subiungere. Erant hi: JACOBUS Neapolitanus, JOANNES i Franc, iste de Columba (1311) Posonii in domo Ord. Cisterc. S. Crucis in A ustria honoribus D. Catharinae aediculam condidit, eamque Conventui huic dono dedit; quae quidem hodie quoque superstes, variarum dein altercationum fűit argumentum. V. RIMELY CAROLI «Capitulum Eccl. Poson.»p. 187. FLOR. RÓMER «Monum. archaeologica Posoniensia». Posonii, 1865. p. 289. et EMERICI HENSZLMANN «Mon. gothicae structurae in Hung.» II. 174. FEJÉR, Cod. dipl. VIII. 1. 623—24.