Rationes collectorum pontificorum in Hungaria. Pápai tizedszedők számadásai. 1281–1375. (Budapest, 1887. Mon. Vat. Hun. I/1.)

memorie dominum Benedictum papam XII. per litteras suas apostolicas, quarum tenor talis est: Benedictus episcopus servus servorum Dei. Dilecto filio magistro Petro Geruasii canonico Viuariensi, apostolice sedis nuncio, salutem et apostolicam benedictionem. Cum Te, de cuius fidelitatis industria confidimus, pro certis negotiis, Nos et ecclesiam Romanam tangentibus, ad partes regni Ungarie destinemus, nos Tibi volentes de necessariis pro Te tuisque familiaribus providere, unum florenum et dimidium singulis diebus, quibus circa prosecutionem negotiorum Tibi in eisdem partibus commissorum extiteris, pro predictis necessariis et suis stipendiis tenore presentium deputamus, volentes, ut de pecuniis cameram nostram tangentibus, per Te colligendis, vei per alios collectores auctoritate apostolica in predictis partibus deputatos collectis, recipere valeas stipendia supradicta. Dátum Auinione, idus Április, pontificatus nostri anno quarto.

1 1 13 Április a. 1338.