Rationes collectorum pontificorum in Hungaria. Pápai tizedszedők számadásai. 1281–1375. (Budapest, 1887. Mon. Vat. Hun. I/1.)

Item anno, quo supra, die XVIII. Junii misi iterato Venetias V

c. L. florenos auri, et dedi cantori ecclesie Zagrabiensis, qui dictam portavit pecuniam usque ad mare, VII. florenos auri. Item solvi pro expensis illorum, qui dictam pecuniam portaverunt et Venetiis deposuerunt, XI. florenos auri. Summa pagine XLVII. floreni. Item anno Domini MCCCXLI. die XXI. mensis Junii scripsi domino Laurentio episcopo Bozenensi, qui fuerat subcollector decime sexannalis olim imposite in concilio Viennensi in civitate et diocesi Zagrabiensi, mandando sibi, ut veniret vei mitteret procuratorem suum, qui videret informationem, quam volebam recipere contra eum super eo, quod inveniebatur plura recepisse, quam in suis rationibus contineretur, et dedi dicto nuncio pro suis laboribus et expensis II. florenos auri et I. pensam banalium Misbani. Item anno, quo supra, die VI. mensis Julii scripsi capitulo Bachiensi, ut mitteret mihi pecuniam, quam solvere tenebantur pro fructibus prepositure vacantis apud sedem apostolicam in dicta ecclesia, et dedi dicto nuncio pro expensis XXV. grossos. Item anno, quo supra, die XX. mensis Julii dominus Galhardus de Carceribus collega meus et ego scripsimus domino nostro pape et domino camerario de facto Polonie et Ungarie, et solvi pro parte expensarum dicti nuncii VII. florenos auri. Item anno, quo supra, die X. mensis Septembris scripsi episcopo et capitulo ecclesie Waradiensis, ut michi mitterent pecuniam, quam michi promiserant solvere pro fructibus prepositure ecclesie Waradiensis; qui michi responderunt, quod eam miserant ad cameram domini pape; et dedi dicto nuncio I. florenum et X. grossos. Summa pagine XII. floreni, X. grossi cum dimidio. Item anno Domini MCCCXLII. die XIX. mensis Maii, cum audissem, quod dominus rex Ungarie infirmaretur ad mortem, timens de commotione regni, disposui me ad exeundum dictum regnum cum pecuniis, quas habebam, et misi versus Waradinum duos homines cum equis, quos suspectos habebam, ne per ipsos impedirer in via, et misi eos ad intimandum capitulo ecclesie Waradiensis reservationem ecclesie predicte, factam per dominum papam dominum Benedictum.

1 Et dedi dictis nunciis cuilibet 1 Benedictus papa XII. a. 1334—1342.