Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)
altéra super morte Ioachym bani felicis recordationis in area et communi congressu belli per eundem Stephanum banum et suos interempti orte et suscitate extiterant inter eos, partes nostras ex regio mandato pro bono pacis cum diligentia interposuissemus ad huiusmodi inimicitias et controversias sedandas et reformandas, quamquam huiusmodi tractatus pacis inter partes diutius fuisset protractus, tandem idem Nicolaus banus cor et animum paci applicans, ne per huiusmodi dissensiones, hostilitates et exercituum incursus regnum Sclavonie hinc inde ad exinanitionem extreme virtutis deduceretur, sicut nudiustertius commissum extitit factum seu etiam attemptatum, ultro et voluntarie pro se et fratribus suis ac tota generatione sua cessit et renunciavit omni questioni hostilitatis et inimicitiarum ac actioni suscitande in futurum pure et simpliciter; et ut huiusmodi pacis ordinatio firma, inviolabilis et inconcussa perseveret, castrum suum Stenesnak vocatum existens in terra Hutyna, quod eidem Stephano bano per nostras literas et fratrum nostrorum capituli videlicet Zagrabiensis, fratris Mathei abbatis de Toplicza similiter in forma compositionis prius inter eos habite pro summa mille marcarum et penis excrescentibus propter omissionem terminorum pecunie supra dicte pignori extiterat obligatum, et ut maior inter ipsos dilectio et amicitia propagaretur, terram sufficientem ad septem aratra iuxta idem castrum cum tributo et omnibus aliis utilitatibus et pertinentiis eiusdem terre de voluntate fratrum suorum dedit, reliquit et tradidit cum dicto castro Stephano bano et per eum suis heredibus, heredumque successoribus irrevocabiliter iure perpetuo possidendam et habendam; et econverso idem Stephanus banus terram et possessionem Zlat vocatam cum omnibus utilitatibus suis et pertinentiis similiter propter bonum pacis resignavit et reliquit possidendam et habendam Nicolao bano et suis fratribus memoratis. Item castrum Jhezera in forma predicte ordinationis relictum extitit per ipsum Nicolaum banum et fratres suos comiti Farcasio et Wlseta fratri eiusdem, filiis Jhelenk cum omnibus suis utilitatibus et pertinentiis, quod castrurn ex regia donatione dixerunt eisdem fuisse et esse collatum et ex titulo huiusmodi collationis per eos habitum,
