Mihályi János: Máramarosi diplomák a XIV. és XV. századból. (Máramaros-Sziget, 1900.)
Nostra Generáli Universitatis Nobilium dicti Comitatus Maramarosiensis feria sexta, proxima post festum purificationis Beatae Marié Virginis prope oppidum Szigeth celebrata, in qua scilicet Congregatione Serenissimus et Magnificus Princeps Dominus Sigismundus Rex Dominus Noster Gratiosus cunctorum Nobilium et aliorum possessionatorum hominum universa litteralia instrumenta et quaelibet possessionaria munimenta revidere et examinare jussit firmiter et districte 1), Lachk et Dragus de Barczanfalva praesente Magistro Georgio de Bohod Notario et Procuratore dicti Domini Nostri Regis per Ipsum Dominum Nostrum Regem ad dictam instrumentalem revisionem specialiter deputato, ac instrumenta eorum per Ipsos exhibere postulante, personaliter ad Nostram veniendo praesentiam, quasdam duas litteras, unam olim Domini Caroli Regis Anno Verbi incarnati Millesimo Tercentesimo Vigesimo Sexto, Decimo Calendas Octobris, Regni autem sui Anno similiter vigesimo sexto, sub majori et priori sigillo suo dupplici, et aliam Conventus Ecclesiae de Lelesz quinto decimo die feriae quartae proximae post festum Beatorum Tiburtii et Valeriani Martyrum proxime praeteritum ambas privilegialiter editas, Nostrum produxerunt in conspectum. Quarum prima dicti scilicet Domini Caroli Regis Privilegialis littera manifestabat: quod idem Dominus Carolus Rex quandam terram suam Zurdok vocatam in districtu Maramorosiensi existentem, et ad suam Regiam Collationem pertinentem, cum omnibus suis utilitatibus et pertinentiis quibuslibet sub Metis et terminis, quibus usque tunc tenta fuisset et possessa, Stanislao Kynezio filio Leu, et per eum suis haeredibus, haeredumque suorum successoribus pro ejusdem Stanislai fidelibus servitiis dedisset, donasset et contulisset Jure perpetuo et irrevocabiliter possidendam, tenendam, pariter et habendam nullo Jure suo in eadem reservato, sed in toto eandem in dictum Stanislaum et suas posteritates more et lege Nobilium Regni sui transferendo. Series autem alterius videlicet dicti conventus modo simili privilegialis litterae praedictos Lachk et Dragus in Domínium dictae possessionis Zurdok alio nomine Barczanfalva vocatae per Regium et dicti conventus homines litteris in eisdem nominatos, et ad Regium litteratorium Mandatum transmissos, praesentibus vicinis et commetaneis ejusdem in praedicta feria quarta ante festum Beatorum Tiburtii et Valeriani Martyrum statutos fuisse declarabat. Quibus exhibitis praefati Lachk et Dragus allegarunt eo modo, ut ipsi essent filii Ivan, filii Rad, filii praedicti Stanislai, filii Leu, dictusque quondam Stanislaus Praedecessor ipsorum alio nomine Borzán fuisset binominatus,
