Teleki József gróf: Hunyadiak kora Magyarországon. Oklevéltár. XII. (Pest, 1857.)

et ut sperat Sanctitas Sua conclusa, omnia erunt facilia ad prosequendam fidei causam et bellum Turcis inferendum. Postremo si quod absit non possetaliquid cum ambobus concludere, rogabit Imperialem Maiestatem et ipsum Regem uerbis efficacissimis, nomine S. D. N. quod uterque ipsorum uelit se ponere in pectore S. D. N. plurisque facere presentem necessitatem et causam fidei Religionisque Christiane quam aliquam presentem utilitatem aut priuatum commodum. Ultimo si omnia média deficiant, quod Deus auertat, tractet D. Orator, quod hec omnis contentio ponatur in manu et facultate S. D. N. terminanda, iure vei concordia, quod si fieri non possit ad minus deputentur arbitri communi uoluntate partium electi duo, in quo simul partes conueniant, aut si conueniri non poterunt una partium eligat unum et alia alterum, et quod ipsi duo statuent id firmum maneat. quod si ambo non poterunt concordare Summus Pontifex det tertium, cum quo si duo aut unus ex duobus conuenerint et sententiauerint rathum habeatur. Et tandem omnibus prefatis deficientibus declaret Dominus Orator S. D. N. et Apostolicam Sedem non debere nec posse pati ut duo Principes tam potentes et Infidelibus uicini ac tempore tam pernicioso sese mutuo offendant, et impetant, ex quorum bellis possit maximum damnum. Christianis prouenire, interesseque Apostolice Sedis Summum Pontificem eos a bellis prohibere etiam inuitos et per censuras et alia iuris remedia prouidere etc. Sixtus Papa Quartus. Cseles kézirataiból VII. köt. 98—104. 1.