Teleki József gróf: Hunyadiak kora Magyarországon. Oklevéltár. X. (Pest, 1853.)
durchlewtigist fürst vnser lieber herr vnd gemahel, herr Albrecht Romischer vnd ze Hungern zu Behem etc. kiinig, seliger gedechtnuss vnd wir initsambt Im durch sunderlicher lieb und Zuneigung willen, die wir zu den Hochgebornen Fürsten Friderichen vnd Wilhelmen gebrüedern Herczogen zu Sachsen , Landgrauen In Düringen vnd Markgrauen zu Meissen, vnsern lieben swager vnd Sone betten vnd haben , vnd auch daz Sij vnserm egenanten herren vnd Gemahel angneme dienst vnd beheglikeit beweiset haben , Dem egenanten unserm lieben Sone Herczog Wilhelmen, die Hochgeborn Fürstin vnser liebe Tochter Junkchfraw Anna , zu der ee gegeben , vnd vns zueinander gefründet haben , Also ist stetes vnser begerung gewest und haben mit vleis darauf gedacht , Wie wir den egenanten vnsern Sone vnd Tachter müeterlich lieb fiirdrung vnd hilf beweisen inöchtea, vnd obgotwil zutun ineinen , und als dann das wirdig Herczogtum vnd Lannd ze Luczemburg, aus dem vnser vorfordern vnd eitern entsprossen vnd geborn sind, an vns erblich komen ist, vnd vns rechtlich vnd natürlich zugehoret , Also haben wir angesehen solich lieb vnd trew. die wir zu den egenanten vnsern Sone vnd Tochter haben, vnd haben In mit wolbedachtem mute vnd gutem Rat vnserr getrewen , vnd auch rechter wissen das egenant vnser Herczogtum , vnd die Grafschaft ze Chijnij mit allen vnd yglichen herlichkeiten wirden , eren , friheiten , rechten vnd alten loblichen herchomen , Verschiebungen , vordrungen vnd ansprachen manscheften , Lehen , geistlichen vnd welntlichen, Lewtten Edeln vnd vnedeln , Steten, Slossern , Merkten, dorffern Emptern , Zinsen , nüczen , gulten , zollen , münczen , gerichten , puessen , feilen , ekchern , wisen , weiden , püschen perkwerken , wiltpannen , Teichen , wassern, Mulen , wasserlewflen , und mit allen andern seinen zugehörungen nichtz ausgenommen , wie man die mit sunderlichen worten benennen möcht , Als ein rechter erbe vnd fraw desselben Lannds gnediclich gegeben vnd Sij damit erblich begabeth , geben vnd begaben Sij auch In kraft dis briefs Also daz der egenant vnser lieber Sone Herczog Wilhelm dieselben Herczogtum vnd Grafschaft, von der hechgeborn fürstin, vnserer lieben Muemen frawen Elizabethen von Görlicz, Herczog in von Beijrn, oder wer des siist
