Teleki József gróf: Hunyadiak kora Magyarországon. Oklevéltár. X. (Pest, 1853.)
nen für vns , vnd all vnser Erben , vnd tun kund öffentlich mit dem brief. Daz wir mit gutem willen , vnd wolbedachten mut, nach Rat, vnsrer Rät, zu der zeit da wir das wol getiin mochten, vnser Stat genant die Eysneinstat, vnd die Burkch darinn, in dem Kunigreich Hungern gelegen, mit aller Manschafft , vnd Lehenschaft, geistlicher vnd weltlicher, darczu gehörend, vnd darczü all , Herlikait , Märkcht , dörffer , Lanntgericht , vnd Gericht , vogtteij , Mewtt , Wald , Hülczer , Stukch , gult , nucz, Rennt, vnd Güter, zu Haws, zu Hof, zu dorff, vnd zu veld, phennig gult Traid dienst, behauste Güter, Zehennt, Purkchrecht , Perkrecht , vnd vberlennd , waid , wismad , Ekeher, Weingärten , pawngärten, Teich, vischwaid, wildpenn, Gejaid, Grünt vnd Podem , vnd alles das , so zu den obgenanten Stat, Purkch vnd Herrschafft , gehöret , vnd dauon bekömen mag, gestiffts, vnd vngestiffts , gepawts, vnd vngepawts, versuchts, vnd vnuersuchts , wie das alles genant, vnd wo das jnnerhalb, oder ausserhalb, der vorgenanten Stat gelegen ist, nichts darinn ausgenomen, noch hindan gesaczt, sunder alles inbeslozzen , mit allen den Rechten , so wir darauf haben, oder gehaben hieten mugen , Dem Allerdurchleuchtigisten fürsten , vnd herren herrn, Fridreichen Römischen Kunig, zuallenczeiten Merer des Reichs , Herczogen ze Österreich vnd ze Steir etc. vnserm gnedigen lieben herren , vnd Bruder , vnd seinen Erben , Recht vnd redlich, verkaufft vnd zu kauffen geben haben, wissentlich in kraft des briefs , vmb ain merkliche Summ guidein , der wir von seinen kuniklichen gnaden , gancz , vnd envollen beczalt , vnd gewert sein. Doch also , daz der benant vnser gnediger lieber herr vnd bruder , oder sein Erben , die von Conraten dem Eijczinger , der sij in phanndsweis, von vns, jnnhat , oder seinen Erben, losen, vmb die Summ gelts, darumb wir jm Sij versaezt haben, nach Lawtt, vnsrer brief demselben Eijczinger vormals darüber gegeben, vnd antwurtten, jn die darauf, aus vnsrer nucz vnd gewer, in jr nucz, vnd gewer, Also daz Sij die selben Stat, pürkeh, vnd herrschafft , mit aller herlikait, zugehörungen , vnd gerechtikaiten , vnd allem dem , so darczü gehöret, ledigklichen, vnd freilich, jnnhaben, nuczen, vnd messen , vnd allen jren frummen damit hanndeln , vnd tun sullen,
