Házi Jenő: Sopron szabad királyi város története. II. rész, 6. kötet, Pótkötet a I. rész 1-7, és a II. rész 1-5. köteteihez az 1278-1526. évekből. (Sopron, 1943.)
TARTALOM - Pótlás
Pótlás. 1463 nov. 25. előtt. Jelentés az Albert herceg és III. Frigyes német császár közti tárgyalások helyzetéről. An suntag nach Sannd Veits tag, als die lanntschafft zwischen den fursten manig weg der gutigkait furgenomen vnd iren gnaden fürgehalten hat vnd kainem weg ist geuolgt worden, sunder baider fursten partey vmb recht angedrungen haben vnd doch die lantschaft hinwider gepeten hat sich in ander gutliche ainigung zu geben : hat im hertzog Albrecht furgenomen vnd der lanntschafft furgehalten ain sölhen weg der kaiserlichen maiestat zuerkennen zegeben empholhen, sein k. g. süll das lannd ob der Enns regieren vnd seinen fürstlichen gnaden das lannd hienids für sein zwen tail regieren lassen, so well er seinen k. g. vbergeben seinen väterlichen erbtail an seinen erblichen lannden. Item sein f. g. well seiner k. m. vbergeben VI M phundt gelts. Item well im vbergeben ainen geltbrief, den er von seinen k. g. hab, der da innhalt XX V M gulden, weder hauptsumm noch Scheden nymmermer zueruordern. Item sein f. g. well sich verzeihen seins tails erbschafft an der Cilischen wanschafft in Windischen lannden. Item hat sich erpoten seiner k. g. diener vnd rat zu sein, dieweil er leb etc. Müg aber des alles nicht gesein, das si dann baid das lannd miteinander regieren, so well er im sein geltbrief emphor haben. Sölh furnemmen hat die lantschaft vnserm allergenedigisten herren dem kaiser fürgehalten vnd ist seiner k. g. antburt darauf nicht annders gewesen, dann ain solhe maynung : die lanntschaft hab vormalen in der versühung der gütikait seinen k. g. ain zedel irs furnemens zübracht, darauff hab sein k. g. ain antburt tan, dabei well er es gesteen vnd beiéiben lassen vnd kain annders tun. Vnd ist das die maynung der antburt auf dieselb zedel, das hertzog Albrecht sull das lannd ob der Enns regieren, das well sein k. g. nachgeben von frewntschaft vnd nicht von gerechtigkait wegen vnd ob an seinem drittail 1 erbschaft icht ain 1 utána: icht áthúzva.
