Házi Jenő: Sopron szabad királyi város története. II. rész, 2. kötet, Végrendeletek, közgyűlési jegyzőkönyvek, polgárkönyvi feljegyzések és különféle számadások 1400-tól 1541-ig. (Sopron, 1931.)
DL számok - DL_3156
7. 1525 aug. 1. Siebenburger István nejének, Katalinnak végrendelete. Vermerkt mein löstn willn, so ich Katrina, des Steffan Sibmbírger verlassne wyttin getan hab mit gwetter vernwfft vnd wolpedachtm willn vnd hab erpöttn dye ersamen vnd weisen herrn Petter Fleischagker vnd Jeronyme Hirsch, das sy meinen lestn willen einem ersamen radt antbwrrttn, damit er volpracht werdt. Ist geschehen am ertag var Vnser frawen schnefeyer ím jar 1525 etc. Item von erst schaff ich mein seil Gott dem allmechtigen vnd mein leib czw kristlicher pegrebnyß czw Sanndt Michell vnd mit 30 mess. Item meiner cziech-tochter, die den Larentz Pintter hat, den schaff ich mein hawß vnd hoff mit aller czwegehorwng, darvir soll er czalln, als ich ims vergyn, vir einandern 50 lb. den. Item mer meine drey weingertl, wye sy gelegen sein, ain im Glaser vnd ain im Gröfftn vnd ain im Steyger, schaff ich awch meinem aidn vnd meiner cziech-tochter, als ich ims J selbs geschätzt hab vnd vermain ims, das sy im pleibm, damit er awch meiner seil gedengk. Den Glaser hab ich im geschetzt vmb 10 lb. den., den Steiger vmb 12 lb. den., dem Gröfftner vmb 14 lb. den., macht alls 36 lb. den. Item mer schaff ich meinem aidn vnd meiner cziech-tochter dye ézwo kye, doch sol er darfyer erlegn 3 lb. den. Item mer schaff ich czw Sanndt Michell 5 lb. den. Item czw dem heylign Geist awch 5 lb. den. Item in das spytall schaff ich awch 5 lb. den. Item czw Vnser frawen am grabm 5 lb. den. Item mer schaff ich czw Sandt Seweslian 5 Ib. den. Item czw Sanndt Johanns 5 lb. den. Item czw Sanndt Jorgn 5 lb. den. Item in das kloster schaff ich 5 lb. den. Item in der priester prwederschafft schaff ich 5 lb. den. Item czw Sanndt Wollfgang gen Wandorff schaff ich 5 Ib. den. Item des Wisser czwain tochternn schaff ich 10 lb. den. vnd dye pey dem Kristoff Schwester diendt, schaff ich ein pödt vnd ein polster dartzwe.
