Házi Jenő: Sopron szabad királyi város története. II. rész, 1. kötet, Végrendeletek és egyéb feljegyzések 1390-től 1524-ig. (Sopron, 1930.)
Tartalomjegyzék - 50.
Item am ersten schaf ich mein arme sei in di hennd der heiligen Driualtikait vnnd den leib der heiligen cristenlichen begrebnis. Item 1 zu dem andern mal schaff ich, das mein hausfrau von dem praun samat ain mesgwant zu Sannd Michels kirichen machen lassen sol vnd dem kirichmeister den samat, sovil er sein bedarf darczu, antburten. Item mer sol mein hausfrau ain kelich kauften zu Sand Michels kirichen per XII fl. vngrisch. Item mer sol mein hausfrau in das spital geben X tal. den., di sullen mein hernn ain frumen mann ausleihen auf dinsi, der sol dem spital davon jerlich dienn I tal. den. Item mer schaff ich in das closter V tal. den. vnd zu 2 Sand Wolfgang V tal. den., di sol auch mein hausfrau ausrichten. Item mer schaff ich meiner Schwester Katherina vnd irer töchter, der Martha, 3 meinen Weingarten im Vngerlein gelegen, des III sechczentail ist. Item mer schaff ich meinem dienner Hensel ain gruene schauben vnd ainen Weingarten am Kolnnperig vnd darzu sol im mein hausfrau geben VIII tal. den. Item mer schaff ich den paungarten vnd XXIIII jeuch aker, so mir Alfewldi Wélind geschafft hat, meinen khindern vnd ain braune schamlotene schauben mit mardreim vnderczogen schaff ich meiner hausfraun. Item mer schaff ich alle andere meine guter, es seien hewser, Weingarten oder varundgüt, was ich vber di obgeschribn stuk hinder mein lass, meiner hausfraun vnd meinen kindern. Doch also ob mein hausfrau iren bitibstand wird verkhern, bit ich di hernn des rats darob ze sein, damit meinen khindern, was in dann rechtlichen zugeburd, verfoligt werde. Item mer schaff ich di guter nach lautt vnd innhalt des Gewri Baiaschen, meines schwecher seligen, geschefft, so im capitel zu Rab vorhanden ligt, darauf dann sein töchter, mein vorige hausfrau selige, 4 auch ain geschefft tan hat, der daigen meiner hausfraun vnd meinen khindern, sovil si daran erlangen mögen. Item mer schaff ich dem Cantor Mihel zu Rab ainen praunn rokch. Item auch sol mein hausfrau vnd meine khinder von den 1 utána; am ersten, 2 utána: w, 3 alatta: Barbara, 4 utána: der a áthúzva.
