Házi Jenő: Sopron szabad királyi város története. II. rész, 1. kötet, Végrendeletek és egyéb feljegyzések 1390-től 1524-ig. (Sopron, 1930.)

Tartalomjegyzék - 108.

solichs mit vnnserr herttnn arbait pesambt habnn vnnd gar nyemanntcz zw vnns Zuspruch habnn wieder freundt nach anders yemanntz, doch inn der peschaidennhaitt, ob Goth in meynnem abwesn meynn hawsfrawenn vonn dieser weldt mit tod erfodert, do Got lanng dofur sey, vnnd ich mit gesundt herwieder khwm, solichs vorpemelts geschafft vnnd al meynn gutt, wie obenn geschribnn ist, lediglich vnnd vrey mir pleibnn soll, wie vorann all Zuspruch vonn irenn freundtenn vnnd meynn freundtenn. Wer aber sach, das ich aussplieb, so mag meynn liebe hawsfraw Magdalena vonn dem vorgemeltenn meynnen vnnd irenn guth sich dopey aufhalttnn vnnd nernn, so lanng ir Goth das lebnn vorgann. Aber nach abganngkh ir vonn dieser weldt so sol vnnser guth paider, haws, weingartten, farundt guth nichss ausgenömehnn, wie es namehnn hatt, vnngeuerlich nachvolgnn dem hailignn Sanndt Johanns zwm paw halber tailh vnnser guth vnnd zu dem hailignn Sanntt Sebastiann auch halbnn tailh zwm paw. Solich vorpestympth mein geschafft mit wiellnn vnnd wiessnn meiner liebnn hawsfrawen Magdalena pephiel ich threwlich ausszurichtnn vnnd zuvorpringnn, auch zuvorfurnn denn vorbemelten meinenn liebnn geschäfftherrenn, herrenn Casparen, Wolfgang Wagner vnnd Peter Peckhnn, als ich des ain besunder gross vorthrawen zw inn hab vnnd sy auch gegenn Goth sullenn vorantwurttnn. Des zw merer zeugnuss hab ich mit sundernn vleiss gepetten das vorgeschriebnn meynn geschafft mit irenn petczadten vormacht vnnd vorpetczadt habnn doch inn vnnd irenn erbnn an schadenn, Geschehnn am montag nach dem hailigenn Ostertag, nach Cristi gepurdt tawssuntfunffhundert vndd im dreitzehesten jar. Kivül: Frisch Hansen geschefft. Jelzése: 3098. sz. Papíros, vízjegye: hétágú csillag alatt körben kétkarú mérleg háromszögletű csészékkel, zárlatán 3 db. papírba nyomott gyűrűspecsét töredékével. 108. 1513. Boldizsár javadalmas pap végrendelete. In nomine domini etc. Anno domini 1513 jare ich Walthasar beneficiat zw Odennburg vnd versecher der altär zw dem heylignn Geyst vnd zw Vnser liebm frawn vnd auch zw Sandt