Házi Jenő: Sopron szabad királyi város története. I. rész, 7. kötet, Oklevelek, levelek és iratok 1521-től 1531-ig. (Sopron, 1929.)

DL számok - DL_2892

richter vnd rat freundtlich vnd nachbarlich geschriben, sy des alten herkhumen vnd gebrauchs besonnder angezaigter freyhaitenn, die sy selbs wissen vnd auch gehört habenn, ermant, das aber bey inen in kainem ansehen, sonnder kurczlich ir antwort gewest, sy wellen kaínen Newsteter lennger, dan auf Sanndt Margarethen tag, der negstverschinen, hinab für Odenburg farén lassen, wo sy aber derselben ainen oder mer furán darüber erfaren vnd ankhumen, den wellen sy mit leib vnd guet aufheben vnd annemenn. Vnndersteen sich also gweltigklich für sich selbs an erkhanntnus vnd vor aller rechtlicher oder guettiger austräg, auch wider berurter khu(nigklichen) m(aiesta)t verordenntn herren comissarien anstellung vnd stilstanndt zu hanndien, vnns vnd gemaine khu(nigklicher) m(aiesta)t burgerschaft on recht irer freyhaiten alten herkhumenn vnd gebrauchs zu entsetzenn, welchs innen dermassen für sich selbs also gweltig zu hanndien nit gepurt. Verhoffen auch die khu(nigkliche) m(aiesta)t, vnnser allergenedigister herr vnd e(ur) g(naden) in namen derselben irer m(aiesta)t hanndthaber vnd beschutzer der gerechtigkhait, auch beder taill rechter, naturlicher erbherr vnd lanndsfurst werden gemelten von Odenburg solchen aignen gwallt wider vnns vnd die vnnsern nit gestatten, dann gemaine burgerschaft der Newstat aufs höchst dardurch beschwärt wurde, E(ur) g(naden) seien vorhin mer dann zu vill erinndert vnd bericht der grossen armuet vnd abnemenn vnd das diser zeit sonnst ain schlechte hanndtierung vnd gewerb zu achten nichts oder gar wenig in der Newstat ist. Wo inen dann dise märckht vnd strassenn zu wanndeln vnd ersuechenn auch gespört vnd abgeschnitten, wurd khu(nigklicher) m(aiesta)t stat zulest gar zu uerödung raichen vnd beschwärlich sich alda in der Newstat zu enthaltenn, wie dann yeczo etlich, wo die khu(nigkliche) m(aiesta)t vnd e(ur) g(naden) nit wenndung vnd einsehung thuen, sich hören lassen aus der stat. zu ziehenn. Dem allen nach ist an e(ur) g(naden) in namen khu(nigklicher) m(aiesta)t vnnser vnndertenig bit vnd anlanngen, e(ur) g(naden) wellen souil vnnser gegrundt anzaigen gedachten von Odenburg irer vngepurlichn hanndlung vnd gwalts gegen den vnnsern furzunemenn vnd gebrauchen nit gestatten, sonnder inen in namen khu(nigklicher) m(aiesta)t ernnstlich beuelchen vnnser mitburger, wie von alter herkhumen, in ansehung des ersessen gebrauchs vnd freyhaitenn, auch der khu(nigklichen) m(aiesta)t comissarien geboten stilstanndt mit iren guetteren auf beruerts khunigreichs strassenn iren not-