Házi Jenő: Sopron szabad királyi város története. I. rész, 6. kötet, Oklevelek és levelek 1482-től 1520-ig. (Sopron, 1928.)

DL számok - DL_2267

Nos capítulum ecclesíe Jauriensis memorie commendamus, quod circumspectus Johannes lítteratus, nótárius circumspectorum magístri civium, íudicis, iuratorumque et tocius communitatis civitatis Soproniensis nominibus et in personís eorundem magistri civium, iudicis et iuratorum ac tocius communitatis eiusdem civitatis Soproniensis ad nostram veniendo presenciam nobis per modum protestacionis curavit signifícare, quomodo, prout ipsi magister civium, iudex et iurati cives ac tota communitas dicte civitatis Soproniensis percepissent et íntellexissent, his diebus novissime retroactis, nescitur qua occasione, magnificus Wlricus de Graffnek quoddam predium prefatorum magístri civium, iudicis et iuratorum civium ac tocius communitatis iamfate civitatis Soproniensis Egered vocatum intra metas eiusdem civitatis Soproniensis in comitatu Soproniensi existentis habítum ipsos magistrum civium, iudicem et iuratos cives ac totam communitatem ipsius civitatis omnis iuris titulo concernens a serenissimo principe dominó Mathia, dei grácia rege Hungarie, Bohemie etc., dominó nostro graciosissimo minus iuste et indebite sibipsi impetrasset, per quamquidem impetracionem ipse Wlricus Graffnek ipsum predium Egered preter omnem viam iuris ab ipsis magistro civium, iudice et iuratis civibus ac communitate predicte civitatis Soproniensis pro se occupare et sibipsi appropriare vellet et niteretur in preiudicium et dampnum ac iuris periclitacionem eorundem magístri civium, iudicis et iuratorum civium ac tocius communitatis ipsius civitatis Soproniensis valde magnum. Unde facta huiusmodi protestacione preallegatus Johannes litteratus nominibus et in personis eorundem magistri civium, iudicis et iuratorum civium ac tocius communitatis iamdicte civitatis Soproniensis prefatum dominum Mathiam regem. ac alios quoslibet a donacione, perpetuacione et qualibet alia alienacione prescripti predii Egered, item preallegatum Wlricum Graffnek et alios quoslibet ab impetracione, occupacione, detencione, sibipsique appropriacione et statuifaccione, fructuum et quarumlibet utilitatum percepcione, seque in dominium eiusdem predii Egered intromissione qualitercunque factis vei fíendis prohibuit contradicendo et contradixit inhibendo coram nobis vigore et testimonio presencium mediante. Datum feria secunda proxima post festum Invencionis sancte crucis, anno dominí millesimo quadringentesimo octuagesimo secundo. Jelzése: Dl. 2267. (Lad. G. fasc. 1. nr. 46.)